నూతన వరి వంగడాలు
మధుమేహుల కోసం గ్లూకోజ్ శాతం తక్కువగా ఉండే మరియు చీడపీడలను తట్టుకునే వరి వంగడాలుస్రుష్టించిన మన శాస్త్రవేత్తలు...
ప్రపంచంలో అధికంగా తీసుకునే ఆహార పంటలలో వరి ఒకటి.
భారతదేశంలో ముఖ్యంగా దక్షిణ భారతదేశంలోని తెలంగాణ, ఆంధ్రప్రదేశ్ రాష్ట్రాలలో వరిని ఎక్కువగా సాగు చేస్తారు. అయితే ఈ మధ్య కాలంలో మధుమేహం అంటూ చాలా మంది వరి అన్నానికి దూరంగా ఉంటున్నారు. దీనికి ఈ సమస్యకు దీటుగా శాస్త్రవేత్తలు నూతన వరి వంగడాలు సృష్టించారు. ఇందులో ముఖ్య గుణం ఏమిటంటే వరి అన్నం తిన్నా కూడా రక్తంలో గ్లూకోజ్ శాతం పెరగకుండా ఉంటుంది. ఇలాంటి వరి వంగడం తో పాటు చీడపీడల, తెగుళ్ళను దీటుగా తట్టుకుంటూ ఎక్కువగా దిగుబడినిచ్చే ఎన్నో రకాల ను రూపొందించారు. కొత్తగా పేర్కొన్న వరి రకాలలో కొన్ని మినీ కిట్స్ రూపంలో రైతు పొలాల్లో పరిశోధనలు జరుపుకుంటున్నాయి. ఈ దిగువన కొన్ని కొత్త వరి రకాలు వాటి వివరాలను పొందుపరిచాము.
RNR 15048 :-
ప్రస్తుతం అధికంగా సాగు చేస్తున్న బి.పి.టి. 5204 కి ప్రత్యామ్నాయంగా ఈ పైన పేర్కొన్న వరి రకాన్ని రూపొందించారు.పంట కాలం :- 125 రోజులు.
అనువైన కాలం :- ఖరీఫ్, రబీ
ప్రాంతం :- అన్ని ప్రాంతాల్లో అనుకూలం.
(బి.పి.టి. -5204 కంటే సన్న గింజ రకం)
తెగులు చీడపీడలు :- అగ్గితెగులు, చీడ పీడలను కొంత మేరకు తట్టుకోగలదు.
దిగుబడి: ఎకరాకు 36 నుంచి 40 బస్తాలు దిగుబడి.
కూనారం సన్నాలు (KNM-118) :-
కూనారం పరిశోధనా స్థానం నుంచి విడుదలైన వరి రకం.పంట కాలం :- 120 రోజులు.
అనువైన కాలం :- ఖరీఫ్, రబీ.
ప్రాంతం :- చౌడు నేలల్లోను మంచి దిగుబడిని ఇస్తుంది.
(MTU-1010 రకం గింజ మాదిరిగా ఉంటుంది. తక్కువ గింజ రాలుతుంది.)
తెగులు/చీడపీడలు :- ఉల్లికోడు, ఆగ్గి తెగులును, చలిని తట్టుకోగలదు.
దిగుబడి :- 35 నుంచి 40 బస్తాల దిగుబడినిస్తుందిి
బతుకమ్మ KGL-18047 :-
ప్రాంతీయ వ్యవసాయ పరిశోధనా స్థానం, పొలాస, జగిత్యాల నుంచి విడుదలైన వరి రకం బతుకమ్మ.పంట కాలం :- 120-125 రోజులు
అనువైన కాలం. ఖరీఫ్, రబీ.
(ఎం.టి.యు. -1010 మాదిరిగా ఉంటుంది)
తెగులు చీడపీడలు :- ఉల్లికోడు, అగ్గి తెగులును తట్టుకోగలదు. గింజరాలే లక్షణం MTU-1910 కన్నా తక్కువగా ఉంటుంది.
దిగుబడి :- 30 నుంచి 42 బస్తాల ధాన్యం దిగుబడి వస్తుంది.
JGL-1798 :-
ఈ వరిని జగిత్యాల సన్నాలు అని అంటారు.పంట కాలం: ఖరీఫ్ సీజన్లో 120 రోజులు, రబీలో 135 రోజులు
(సన్న బియ్యం రకం, సాంబ మసూరి, బియ్యాన్ని పోలినట్లు ఉంటుంది. సాంబ మసూరి కన్నా ఒక నెల రోజుల ముందు వంట కోతకు వస్తుంది)
తెగులు చీడపీడలు: ఉల్లికోడును తట్టుకోగలదు.
దిగుబడి :- ఎకరాకు 40 నుండి 45 బస్తాలు ఆశించవచ్చు.
పొలాస ప్రభ - JGL -384 :-
పంట కాలం: 135 రోజులు.అనువైన కాలం: ఖరీఫ్ పంటకు అనుకూలం
( సన్నబియ్యం రకం, సాంబ మసూరిని పోలి ఉంటుంది)
తెగులు చీడపీడలు :- ఉల్లికోడును తట్టుకోగలదు, కొంతవరకు అగ్గి తెగులును తట్టుకుంటుంది.
దిగుబడి :- 40 నుండి 45 బస్తాలు.
మానేరు సోన - JGL-3828 :-
పంట కాలం: 135 రోజులుఅనువైన కాలం: ఖరీఫ్
(సన్న రకం. గాలికి నేల రాలే గుణం లేదు. పైరు పడిపోకుండా నిటారుగా ఉండగల సామర్థ్యం కలిగిన రకం)
తెగులు/చీడపీడల :- పొలాస ప్రభ మాదిరిగానే ఉల్లికోడు ను తట్టుకొంటుంది. మరియు అగ్గి తెగులును కొంతవరకు తట్టుకుంటుంది.
JGL-11727 (ప్రాణహిత)
పంట కాలం :- 135 -140 రోజులుఅనువైన కాలం :- ఖరీఫ్ పంట గా చేసుకోవచ్చు
తెగులు/చీడపీడలు: ఉల్లికోడును తట్టుకుంటుంది.
దిగుబడి :- హెక్టారుకు 5 నుంచి 6 టన్నుల దిగుబడినిస్తుంది.
JGL-11118 (అంజనా) :-
పంట కాలం :- 115 -135 రోజులుఅనువైన కాలం :- రబీ, ఖరీఫ్
( సన్నరకం గింజ)
తెగులు చీడపీడలు :- ఉల్లికోడును, బ్యాక్టీరియా ఆకు ఎండు తెగులుని తట్టుకుంటుంది. చలి వాతావరణాన్ని కూడా తట్టుకుంటుంది.
JGL -17004 ( ప్రద్యుమ్న ) :-
పంట కాలం :- 95-120 రోజులు.(నీరు తక్కువగా ఉండే మరియు వర్షాలు కానీ, కాలువల నుండి విడుదలయ్యే నీరుగానీ ఆలస్యం అవుతున్న పరిస్థితులకు అనుకూలం)
అనువైన కాలం :- ఖరీఫ్, రబీలకు అనుకూలం.
(అంజనా, ప్రద్యుమ్న, ఈ రెండు రకాలు G.Iశాతం (Glycemiclndex) తక్కువ ఉన్న రకాలు, ఇది మధుమేహంని నివారించడంలో తోడ్పడుతుంది)
తెగులు /చీడపీడల :- ఉల్లికోడును, అగ్గి తెగులును తట్టుకుంటుంది.WGL-347 (సోమనాథ్)
పంట కాలం :- 130 -135 రోజులుఅనుకూలమైన కాలం ప్రాంతం: ఖరీఫ్, చౌడు నేలల్లోనూ అధిక దిగుబడినిస్తుంది
తెగులు/చీడపీడల :- ఉల్లి కోడు, అగ్గి తెగులును, చలిని
తట్టుకొంటుంది.
దిగుబడి :- ఎకరాకు 26 నుంచి 30 క్వింటాళ్ల దిగుబడి
వస్తుంది.
కృష్ణ RNR -2458
వ్యవసాయ పరిశోధనా సంస్థ రాజేంద్రనగర్ హైదరాబాద్ శాస్త్రవేత్తలు ఈ వరి వంగడాన్ని రూపొందించారు.పంట కాలం :- 135 రోజులు.
అనువైన కాలం :- ఖరీఫ్
(సన్నరకం, గింజ పొడవుగా ఉంటుంది)
తెగులు చీడపీడల :- అగ్గి తెగులును తట్టుకుంటుంది.
దిగుబడి :- హెక్టారుకు 6.5 నుంచి 7 టన్నుల దిగుబడినిస్తుంది.
RNR -15048, RNR - 2458లో G.I శాతం (Glycemiclndex) తక్కువ అంటే మధుమేహం వ్యాధిగ్రస్తులకు ఈ వరి రకాలు ఆ అనువైనవి ఎందుకనగా ఇందులో G.I శాతం 51.6, మాత్రమే కలిగి ఉండడం వలన తిన్న ఆహారం అనేది జీర్ణం కావడానికి ఎక్కువ సమయం పడుతుంది. అందువలన రక్తంలోకి విడుదలయ్యే గ్లూకోజ్ శాతం తగ్గడం వలన, మధుమేహం అదుపులో ఉంటుంది
MTU -1121 మరియు MTU -1112 :-
MTU-1010 రకానికి ప్రత్యామ్నాయంగా ఈ పైన పేర్కొన్న రెండు రకాలను విడుదల చేశారు.
MTU -1121 :-
పంట కాలం: 120 రోజులుఅనువైన కాలం: రబీ వంటకు అనుకూలం.
MTU-1112 :-
పంట కాలం: 140 రోజులుఅనువైన కాలం: ఖరీఫ్ పంటకు అనుకూలం.
తెగులు/చీడపీడలు :- ఈ రెండు రకాల పంట,
చీడపీడల. ఈ రెండు రకాల పంట,చీడపీడలను తట్టుకుంటూ, పైరు పడిపోకుండా ఉంటుంది.
దిగుబడి: ఒక ఎకరానికి 35 నుండి 40 బస్తాల దిగుబడినిస్తుంది.
MTU-1229 :-
పంట కాలం: 150 నుండి 155 రోజులు( పొడవు గింజ రకం )
తెగులు/చీడపీడలు :- ఎండు ఆకు తెగులు, అగ్గి తెగులుని తట్టుకుంటుంది. పైరు పడిపోకుండా ఉంటుంది
దీని ముఖ్య లక్షణం: కంకి పళ్ళు పోసుకొనే వరకు పాటాకు పచ్చగా ఉండటం వలన తాలు గింజలు ఉండవు దిగుబడి :- 35 నుంచి 40 బస్తాల దిగుబడి ఆశించవచ్చు
MTU-1224 :-
పంట కాలం: 185 నుంచి 140 రోజులు
( సన్నరకం బియ్యం గింజ నాణ్యత కలిగి ఉండును)
దిగుబడి: 35 నుండి 40 బస్తాల దిగుబడి వస్తుంది.
MTU-1239 :-
పంట కాలం: 150 రోజులు( గింజ మధ్యస్థంగా ఉంటుంది )
తెగులు/చీడపీడలు :- దోమ పోటును, అగ్గి తెగులును తట్టుకుంటుంది.
దిగుబడి: 50 బస్తాల దిగుబడి ఆశించవచ్చు.
BPT -2295 :-
పంట కాలం: 150 నుండి 165 రోజులు( చౌడు భూములకు అనుకూలం )
దిగుబడి: 5 నుండి 7 టన్నులు హెక్టారుకు దిగుబడి వస్తుంది.
BPT-2411 :-
(లావు రకం బియ్యం)పంట కాలం: 145 రోజులు
తెగులు చీడపీడలు :-అగ్గితెగులు, దోమ పోటును తట్టుకుంటుంది.
దిగుబడి: 7.5 టన్నుల హెక్టారుకు దిగుబడిని ఆశించవచ్చు
BPT -2595 :-
దిగుబడి: 6 నుంచి 6.5 టన్నులు/హెక్టారుకు.BPT-2571 :-
పంట కాలం :- 135 రోజులుఅనువైన కాలం: రేట్ ఖరీఫ్ అనుకూలం,కాలువ చివరి భూములకు అనుకూలం.
BPT -2660:
(సన్న రకం బియ్యం)దిగుబడి: 6 నుండి 6.5 టన్నులు/ హెక్టారుకు దిగుబడి వస్తుంది.
BPT -2815 :-
(సన్న రకం బియ్యం))అనువైన కాలం: రబీ పంట లేదా లేట్ ఖరీఫ్ కు అనుకూలం.
దిగుబడి: 6 టన్నులు హెక్టారుకు దిగుబడి వస్తుంది.
Comments
Post a Comment
ఈ పోస్టు చదివిన తరువాత మీ భావాలు,సలహాలు, సూచనలు కామెంట్స్ రూపంలో తెలుపగలరు