𝐌𝐘 𝐅𝐀𝐑𝐌𝐈𝐍𝐆 𝐌𝐘 𝐏𝐀𝐒𝐒𝐈𝐎𝐍

అధికారుల కథనం ప్రకారం బుధవారం ప్రధానమంత్రి నరేంద్ర మోడీ అధ్యక్షతన జరిగిన ఆర్థిక వ్యవహారాల మంత్రివర్గ సంఘం వారి సమావే శంలో ధరల మద్దతు పథకం క్రింద కందులు, మినుములు, సిరిశనగ కొనుగోళ్ల గరిష్ట పరిమితిని మొత్తం ఉత్పత్తి యొక్క 25 శాతం నుండి పెంచి 40 శాతానికి చేయడం జరిగింది. అయితే సెప్టెంబర్ 2 వరకు కంది పంట విస్తీర్ణం గత ఏడాది ఇదే వ్యవధితో పోలిస్తే 47.56 ల.హె. నుండి తగ్గి 44.86 ల.హె.కు చేరింది. 

  ప్రస్తుత పంట కాలం (2021 జూలై - 2022 జూన్) లో కందుల ఉత్పత్తి 43.50 ల.ట. నుండి స్వల్పంగా తగ్గి 43.40 ల.ట. ఉండగలదని కేంద్ర వ్యవసాయ మంత్రిత్వ శాఖ విడుదల చేసిన తమ నాల్గవ ముందస్తు అంచనాలో తమ అభిప్రాయం వెల్లడించింది. ఇదిలా ఉండగా, ప్రతికూల వాతావరణ పరిస్థితులు నెలకొన్నందున ప్రభుత్వ అంచనా కన్నా మరింత తగ్గగలదని వ్యాపారులు పేర్కొన్నారు. తద్వారా వ్యాపారులు ఇప్పటి నుండే అప్రమత్తమైనందున ధరలకు మద్దతు లభిస్తున్నది.