𝐌𝐘 𝐅𝐀𝐑𝐌𝐈𝐍𝐆 𝐌𝐘 𝐏𝐀𝐒𝐒𝐈𝐎𝐍

   గుజరాత్, రాజస్తాన్ మార్కెట్లలో రాబడి అయిన సరుకు తక్షణమే విక్రయించబడుతున్నది. చౌక ధరతో సరుకు విక్రయించేందుకు రైతులు విముఖత వ్యక్తం చేస్తున్నారు. దేశంలోని కిరాణా వ్యాపారులు అమ్మకాలతో పాటు కొనుగోళ్ల కారణంగా ధరలకు మద్దతు లభిస్తున్నది. ఈ ఏడాది మిషన్-క్లీన్ సరుకు ప్రతి క్వింటాలు రూ.55,000 అధిగమించే అవకాశం కనిపిస్తున్నది. తద్వారా గత వారం ప్రత్యక్ష విపణిలో ధర ప్రతి క్వింటాలుకు రూ. 800-1000, పరోక్ష విపణిలో రూ.1500-1700 వృద్ధి చెందింది. ఎన్సీడిఇఎక్స్ వద్ద గత మంగళవారం మే వాయిదా రూ. 45,480 తో ప్రారంభమై శుక్రవారం నాటికి రూ. 1620 వృద్ధి చెంది రూ. 47,100, జూన్ వాయిదా రూ. 1720 ఇనుడించి రూ. 47,750 వద్ద స్థిరపడింది.

   వ్యాపారస్తుల కథనం ప్రకారం ఏప్రిల్ వాయిదా సెటిల్మెంట్ తరువాత మే వాయిదా ధరలు తగ్గి తిరిగి పెరుగుతున్నాయి. ఎన్సిడిఇఎక్స్ గత సోమవారం మే వాయిదా రూ. 40950 తో ప్రారంభమైన తరువాత శుక్రవారం వరకు రూ. 2945 పెరిగి రూ. 43895, జూన్ వాయిదా రూ. 2980 పెరిగి రూ. 44270 తో ముగిసింది. దీనితో మార్కెట్ ధరలు తిరిగి రూ. 1000-1500 పెరగడంతో కిరాణా వ్యాపారుల కొనుగోళ్లు పెరుగుతున్నాయి.

   చైనా, బంగ్లాదేశ్ నుండి జీలకర్ర కు డిమాండ్ బలహీన పడినప్పటికీ వాయిదా ధరలు తగ్గడం లేదు. కొత్త సీజన్ ప్రారంభం కావడానికి మరో 4-5 నెలల సమయం ఉంది. సేద్యం ప్రక్రియ మరో 1-2 వారాలలో ప్రారంభం కానున్నది. ప్రస్తుత సీజన్ లో ఉత్పత్తి కుండటుపడినందున సీజన్ ప్రారంభం నుండే ధరలు ఇనుమడిస్తున్నందున పలువురు దిగ్గజ రైతుల సరుకు అమ్మకం కాలేదు. 

  ఈ ఏడాది దేశంలోని రెండు ప్రముఖ ఉత్పాదక రాష్ట్రాలలో జీలకర్ర ఉత్పత్తి తగ్గడంతో సీజన్ ప్రారంభం నుండే ధరలు హెచ్చుముఖంలో ఉన్నాయి. కొత్త సీజన్ కోసం మరో 7 నెలల సమయం ఉంది. దీనితో ఎక్కువగా తగ్గే అవ,కాశం లేదు. అయితే ప్రస్తుత ధరల కారణంగా రాబోవు విస్తీర్ణం పెరిగే అవకాశం ఉన్నందున వాయిదా మార్కెట్లో కొనుగోలుదారులతో పాటు డెలివరి తీసుకునే వారు తగ్గడంతో ధరలు క్షీణిస్తున్నాయి. ఎన్సిడిఇఎక్స్ వద్ద గత సోమవారం సెప్టెంబర్ వాయిదా రూ. 25,640 తో ప్రారంభమైన తర్వాత శుక్రవారం నాటికి రూ. 410 క్షీణించి రూ. 25,230, అక్టోబర్ వాయిదా రూ. 190 తగ్గి రూ. 25,755 వద్ద ముగిసింది.

   దేశంలో 2021-22 సీజన్ మసాలా దినుసుల ఉత్పత్తి ముందు సీజన్ తో పోలిస్తే 1.10 కోట్ల టన్నుల నుండి 1.5 స్వల్పంగా క్షీణించి 1.09 కోట్ల టన్నులకు పరిమితమైందని మసాలా బోర్డు విడుదల చేసిన తమ నివేదికలో పేర్కొన్నది. ఇందులో జీలకర్ర ఉత్పత్తికి ప్రసిద్ధి గాంచిన రాజస్తాన్లో ఉత్పత్తి ముందు సంవత్సరంతో పోలిస్తే 8.8 శాతం తగ్గి 7,25,651 టన్నులకు పరిమితం కాగా ఎగుమతులు 27.28 శాతం తగ్గి 2,16,996 టన్నులకు పరిమితమైంది.

   గత వారం పరోక్ష విపణిలో జీలకర్ర వాయిదా ధర రూ. 500-600 వృద్ధి చెందగా ప్రత్యక్ష విపణిలో పండుగల సెలవు కారణంగా గిరాకీ కొరవడినందున ధరలు నిలకడగా మారాయి. ఎన్సిడిఇఎక్స్ వద్ద గత సోమవారం ఆగస్టు వాయిదా రూ. 23,705 తో ప్రారంభమైన తర్వాత శుక్రవారం నాటికి రూ. 565 వృద్ధి చెంది రూ. 24,270, సెప్టెంబర్ వాయిదా రూ. 660 పెరిగి రూ. 24,990 వద్ద ముగిసింది.

   గత వారం ఉత్పాదక కేంద్రాల వద్ద వ్యాపారుల అమ్మకాలు పెరగడంతో వాయిదా ధరలు తగ్గగా, కిరాణా మార్కెట్లో డిమాండ్ నెలకొనడ ంతో మార్కెట్ ధరలు రూ.200-300 ప్రతి క్వింటాలుకు పెరిగాయి. ఎన్సీడిఇఎక్స్ వద్ద గత సోమవారం ఆగస్టు వాయిదా రూ. 23,990 తో ప్రారంభ మెన తరువాత శుక్రవారం నాటికి రూ. 240 తగ్గి రూ. 23,750, సెప్టెంబర్ వాయిదా రూ. 180 తగ్గి రూ.24,320 వద్ద ముగిసింది. అక్టోబర్ నుండి విత్త నాల కోసం డిమాండ్ ఉండగలదు. మరియు కిరాణా మార్కెట్లో నిల్వల నుండి 70 శాతం సరుకు అమ్మకం అయిన వెంటనే కొనుగోలుదారులు ముందుకు వచ్చే అవకాశం ఉన్నందున వాయిదా ధరలు మెరుగయ్యే అవకాశం కలదు.