𝐌𝐘 𝐅𝐀𝐑𝐌𝐈𝐍𝐆 𝐌𝐘 𝐏𝐀𝐒𝐒𝐈𝐎𝐍

   బిహార్, జార్ఖండ్లలో కొత్త మొక్కజొన్న రాబడులు పెరగడంతో పాటు అన్ని మార్కెట్లలో కలిసి ప్రతిరోజు 1 లక్ష బస్తాలకు పెగా రాబడి కాగా, నిమ్ము రకం రూ. 1600-1700, ఎండు రకం సరుకు రూ. 1750 ధరతో వ్యాపారమె మధ్యప్రదేశ్, దిల్లీ, పంజాబ్, రాయ్ పూర్ తదితర ప్రాంతాల కోసం ఎగుమతి అవుతోంది. ధరలు ఆశాజనకంగా లేనందున అనేక మంది రైతులు వేర్ హౌజ్లో సరుకు నిల్వ చేస్తున్నారు. అంతేకాకుండా వెగన్ లోడింగ్ రూ. 1740-1770 వరకు వ్యాపారమౌతున్నది.  

 ప్రస్తుత సీజన్ లో అక్టోబర్ 21 నాటికి దేశంలో ముతక ధాన్యాల సేద్యం గత ఏడాది ఇదే వ్యవధితో పోలిస్తే 1.45 ల.హె. నుండి పెరిగి 2.45 ల.హె.కు విస్తరించింది. ఇందులో మొక్కజొన్న 43 వేల హెక్టార్ల నుండి 65 వేల హెక్టార్లు, జొన్న 95 వేల హెక్టార్ల నుండి 1.65 ల.హె., రాగులు 5 వేల హెక్టార్ల నుండి 10 వేల హెక్టార్లు మరియు బార్లీ 1000 హెక్టార్ల నుండి పెరిగి 5 వేల హెక్టార్లకు విస్తరించింది. 

   ప్రస్తుతం ఆంధ్రప్రదేశ్, కర్ణాటక, తెలంగాణ, మహారాష్ట్రలో తరుచుగా కురుస్తున్న వర్షాలకు ఉత్పాదకులు తమ పంటను ఆరబెట్టడానికి సవాళ్లు ఎదుర్కొంటున్నారు. అడుగంటిన పాత సరుకు నిల్వలు పొట్టీ పరిశ్రమ డిమాండ్ నెలకొన్నందున దరలకు మద్దతు లభిస్తున్నది. దేశంలో ఖరీఫ్ సీజన్ పంట కోతలతో పాటు రబీ సీజన్ సేద్యం ప్రక్రియ ప్రారంభమైందని వ్యవసాయ శాఖ విడుదల చేసిన తమ వారంతపు నివేదికలో పేర్కొన్నది. అక్టోబర్ 14 వరకు మొక్కజొన్న సేద్యం గత ఏడాది ఇదే వ్యవధితో పోలిస్తే 32 వేల హెక్టార్ల నుండి పెరిగి 36 వేల హెక్టార్లు, రాగులు 1000 హెక్టార్లు, జొన్న సేద్యం 42 వేల హెక్టార్ల నుండి తగ్గి 39 వేల హెక్టార్లకు పరిమితమైంది.

 వ్యవసాయ మంత్రిత్వశాఖ వారు జారీ చేసిన నివేదిక ప్రకారం 30, సెప్టెంబర్ వరకు దేశంలో ముతక ధాన్యాల విస్తీర్ణం గత ఏడాది ఇదే వ్యవధితో పోలిస్తే 175.15 లక్షల హెక్టార్ల నుండి పెరిగి 183.89 లక్షల హెక్టార్లకు చేరింది. ఇందులో మొక్కజొన్న విస్తీర్ణం 82.17 లక్షల హెక్టార్ల నుండి పెరిగి 84.23 లక్షల హెక్టార్లకు చేరగా, సజ్జ విస్తీర్ణం 63.61 లక్షల హెక్టార్ల నుండి పెరిగి 69.95 లక్షల హెక్టార్లకు, రాగుల విస్తీర్ణం 9.66 లక్షల హెక్టార్ల నుండి తగ్గి 9.40 లక్షల హెక్టార్లకు,జొన్న విస్తీర్ణం 14.67 లక్షల హెక్టార్ల నుండి తగ్గి 14.23 లక్షల హెక్టార్లకు చేరింది. 

   దేశంలో ఖరీఫ్ సీజన్ మొక్కజొన్న పంట కోతలు శరవేగంతో చే పడుతున్నారు. అయితే, కొన్ని రాష్ట్రాలలో ఇటీవల కురిసిన వర్షాలకు కోతల ప్రక్రియ కుంటుపడుతున్నది. అయితే , మొత్తంమీద 2022-23 సీజన్ లో కోళ్ల పరిశ్రమ కొనుగోళ్లు భారీగా ఇనుమడించే అవకాశం ఉంది.

   ప్రస్తుత సీజన్ లో సెప్టెంబర్ 16 వరకు దేశంలో సజ్జల విస్తీర్ణం గత ఏడాది ఇదే వ్యవధితో పోలి స్తే 63.29 ల.హె. నుండి పెరిగి 69.80 లక్షల హెక్టార్లకు చేరింది. మొక్కజొన్న విస్తీర్ణం 81.26 ల.హె. నుండి పెరిగి 82.99 ల.హె.,జొన్నలు 14.64 ల.హె నుండి తగ్గి 13.96 ల.హె., రాగులు 9.59 ల.హె. నుండి తగ్గి 8.56 ల.హె. లకు చేరింది. కర్ణాటక మరియు తూర్పు - దక్షిణ ఆంధ్రలలోని కొన్ని ప్రాంతా లలో పంట కోత లు ప్రారంభము య్యాయి. మరో 20-25 రోజులలో రాబడులు పెరగగలవు. కొత్త సీజన్ లో ఎగుమతులకు అవకాశం ఉంది. ప్రస్తుతం మార్కెట్లలో ధర రూ. 2200 స్థాయిలో ఉంది. 

   దేశంలో ప్రస్తుత సీజన్లో సెప్టెంబర్ 9 నాటికి మొక్కజొన్న సేద్యం గత ఏడాది ఇదే వ్యవధితో పోలిస్తే 80.52 ల.హె. నుండి పెరిగి 82.16 ల.హె.కు విస్తరించగా ఉత్పత్తి 63.25 ల.ట. నుండి పెరిగి 70.51 ల.ట.కు చేరినందున మొత్తం ముతక ధాన్యాలు 180.44 ల.ట.కు చేరింది. ఇందులో జొన్న సేద్యం 14.47 ల.హె. నుండి తగ్గి 13.94 ల.హె., రాగులు 9.24 ల.హె. నుండి 8.22 ల.హె.కు విస్తరించగా ఇందులో తెలంగాణలో గుజరాత్ లో 2,92,764 హెక్టార్ల నుండి తగ్గి 2,87,825 హెక్టార్లకు పరిమితం కాగా తెలంగాణలో 6,11,649 ఎకరాల నుండి పెరిగి 6,14,978 ఎకరాలకు విస్తరించింది.

   ప్రస్తుత సీజన్ లో సెప్టెంబర్ 2 వరకు దేశంలో మొక్కజొన్న విస్తీర్ణం గత ఏడాది ఇదే వ్యవధితో పోలిస్తే 80.37 ల.హె. నుండి పెరిగి 81.52 లక్షల హెక్టార్లకు చేరింది. వ్యాపారస్తుల అంచనా ప్రకారం రబీ సీజన్ లో కూడా విస్తీర్ణం పెరగవచ్చు. గుజరాత్ లో ఆగస్టు 29 వరకు విస్తీర్ణం గత ఏడాది ఇదే వ్యవ ధితో పోలిస్తే 2,92,759 హెక్టార్ల నుండి 2,87,781 హెక్టార్లకు చేరింది. సెప్టెంబర్ 1 వరకు తెలంగాణలో విస్తీర్ణం గత ఏడాది ఇదే వ్యవధితో పోలిస్తే 6,08,862 ఎకరాల నుండి తగ్గి 6,05,954 ఎకరాలకు చేరింది.

  ఆంధ్రప్రదేశ్లోని తెనాలిలో ప్రతి రోజు  5-6 వాహనాల మొక్కజొన్న రాబడిపై స్థానికంగా ప్రతి క్వింటాలు రూ. 2300-2350, లోడింగ్ కండిషన్ సరుకు రూ. 2500, గుంటూరులో నిల్వ అయిన సరుకు 2-3 వ్యాగన్ల మొక్కజొన్న లోడింగ్ కండిషన్ రూ.2330 ప్రతి క్వింటాలు ధరతో వ్యాపారమై ఏలూరు, విజయవాడ, నమ్మక్కల్ కోసం వ్యాపారమైంది. విజయనగరం, సాలూరు, చీపురుపల్లి ప్రాంతాల శీతల గిడ్డంగుల నుండి ప్రతి రోజు 10-12 వాహనాల సరుకు అమ్మకంపై స్థానికంగా రూ. 2450-2460, అనకాపల్లి డెలివరి రూ.2550, హిందూపూర్, నంద్యాల, మడకశిర రాబడులు క్షీణించి ప్రతి రోజు 1-2 వాహనాల సరుకు రాబడి పై రూ. 2400-2450 ప్రతి క్వింటాలు ధరతో వ్యాపారమైంది.

   వ్యవసాయ మంత్రిత్వశాఖ వారి వివరాల ప్రకారం ఆగస్టు 5 వరకు దేశంలో మొక్కజొన్న విస్తీర్ణం గత ఏడాది ఇదే వ్యవధితో పోలిస్తే 76.34 ల.హె. నుండి తగ్గి 75.75 ల.హె.లకు చేరింది. ఆగస్టు 3 నాటికి తెలంగాణలో ఖరీఫ్ మొక్కజొన్న విస్తీర్ణం గత ఏడాది ఇదే వ్యవధితో పోలిస్తే 5,76,160 ఎకరాల నుండి తగ్గి 4,21,205 ఎకరాలకు చేరింది. గుజరాత్లో ఆగస్టు 1 నాటికి 2,87,411హె. నుండి తగ్గి 2,81,900 హె.లకు చేరగా, రాజస్థాన్లో 7,84,320 హె. నుండి పెరిగి 9,32,780 హెక్టార్లకు చేరింది. లభించిన సమాచారం ప్రకారం పె మూడు రాష్ట్రాలలో కలిసి మొత్తం మీద విస్తీర్ణం తగ్గలేదు.

ప్రస్తుత ఖరీఫ్ సీజన్లో జూలై 1 నాటికి దేశవ్యాప్తంగా మొక్కజొన్న సేద్యం గత ఏడాది ఇదే వ్యవధితో పోలిస్తే 3.06 ల.హె. తగ్గి 19.03 ల.హె.కు విస్తరించినట్లు కేంద్ర వ్యవసాయ శాఖ విడుదల చేసిన తమ నివేదికలో పేర్కొన్నది. కర్ణాటకలో గత ఏడాదితో పోలిస్తే 30 వేల హెక్టార్లు తగ్గి 7.18 ల.హె.కు పరిమితమైంది.గుజరాత్లో మొక్కజొన్న ఉత్పత్తి ఖరీఫ్ సీజన్ కోసం 5.74 ల.ట., గ్రీష్మకాలంలో 2.28 ల.ట. కలిసి మొత్తం 8.03 ల.ట. ఉండగలదని రాష్ట్ర ప్రభుత్వం విడుదల చేసిన పై తమ ముందస్తు అంచనాలో పేర్కొన్నది. ఆంధ్రప్రదేశ్లోని తెనాలి మరియు పరిసర ప్రాంతాలలో మొక్కజొన్న రాబడులు చరమాంకంలో పడ్డాయి. ఎందుకనగా, భవిష్యత్తులో ధరలు భారీగా పెరిగే అంచనాతో సరుకు విక్రయించేందుకు దిగ్గజ రైతులు విముఖత వ్యక్తం చేస్తుండడమే ఇందుకు నిదర్శనం. తద్వారా స్థానిక పార్టీ పరిశ్రమలు రూ.2450 ప్రతి క్వింటాలు ధరతో కొనుగోలు చేస్తున్నారు.

  2022-23 కోసం మొక్కజొన్న కనీస మద్దతు ధర గత ఏడాదితో పోలిస్తే రూ. 1870 నుండి పెరిగి 1962 ప్రతి క్వింటాలుకు నిర్ధారించబడింది. తద్వారా కేంద్ర ప్రభుత్వం ప్రస్తుత ఖరీఫ్ సీజన్ కోసం మొక్కజొన్న ఉత్పత్తి లక్ష్యం గత సీజన్లోని ఇదే వ్యవధితో పోలిస్తే 226.50 ల.ట. నుండి పెంచి 231 ల.ట. నిర్ధారించింది. గడిచిన రెండేళ్లుగా అర్జెంటీనా, బ్రెజిల్ లాంటి ప్రముఖ దక్షిణ అమెరికా దేశాల నుండి సరఫరా తగ్గడంతో పాటు 2021-22 లో భారత్ నుండి ఎగుమతులు భారీగా పెరిగి విలువ దృష్ట్యా 102 కోట్ల డాలర్లకు చేరాయి.

   లభించిన సమాచారం ప్రకారం ఈ ఏడాది మొక్కజొన్న ఉత్పత్తి తగ్గడంతో రాబోవు రోజులలో మంచి గిరాకీ ఉండడంతో పాటు ధరలు బలోపేతం చెందే అవకాశంతో చిన్న - పెద్ద స్టాకిస్టులతో పాటు వ్యాపారులు, రైతులు కూడా తమ సరుకు అమ్మకానికి వెనుకంజ వేస్తున్నారు.

  ప్రభుత్వ పంటల అంచనా కమిటీ (సిఇసి) వారి కథనం ప్రకారం రెండవ యాసంగి పంటల అంచనాలో 2021-22లో దక్షిణాఫ్రికాలో మొక్కజొన్న ఉత్పత్తి గత ఏడాదితో పోలిస్తే 163.15 ల.ట. నుండి 10 శాతం తగ్గి 146.84 ల.ట. లకు చేరే అంచనా కలదు. ఎందుకనగా దేశంలో మొక్కజొన్న విస్తీర్ణం గత ఏడాదితో పోలిస్తే 27.55 ల.హె. నుండి తగ్గి 26.23 ల.హె.లకు చేరింది. అమెరికా వ్యవసాయ శాఖవారి నివేదిక ప్రకారం ఈ ఏడాది అమెరికాలో విస్తీర్ణం 1.5 శాతం తగ్గినప్పటికీ, చికాగో బోర్డ్ ఆఫ్ ట్రేడ్ (సిబిఒటి)లో మొక్కజొన్న వాయిదా ధర 1.23 శాతం తగ్గి 7.475 డాలర్లు ప్రతి బుషెల్ కు చేరింది. అయితే ఆఫ్రికాలో ఉత్పత్తి కూడా తగ్గుచున్నది.

  మార్చి 25, 2022 వరకు యాసంగి మొక్కజొన్న విస్తీర్ణం గత ఏడాదితో పోలిస్తే 3.41 ల.హె. నుండి పెరిగి 3.93 లక్షల హెక్టార్లకు చేరింది. ఏప్రిల్ 15 తరువాత బిహార్లో మరియు చివరి నాటికి జార్ఖండ్, ఆంధ్రప్రదేశ్లోని తెనాలి, జంగారెడ్డిగూడెం, కొయ్యలగూడెం ప్రాంతాలలో కొత్త మొక్కజొన్న రాబడులు ఏప్రిల్ రెండవ వారం నుండి ప్రారంభం కాగలవు. అయితే పౌల్ట్రీ పరిశ్రమ మరియు ఎగుమతిదారుల కోసం డిమాండ్ ఉండడంతో ధరలు తగ్గడం లేదు.

  ఈ ఏడాది భారత్ నుండి ఎగుమతులు - పెరగడం, స్థానిక పశు ఆహారం కోసం మరియు పౌల్ట్రీ  పరిశ్రమలతో పాటు స్టార్చ్ కర్మాగారాలకు కూడా మండి డిమాండ్ పలకడంతో రబీ సీజన్ మొక్కజొన్న ధరలు తగ్గే అవకాశం లేదు. ఎందుకనగా ఖరీఫ్ సీజన్ ఉత్పత్తిలో రెత్తుల సరుకు అమ్మకాలు దాదాపు సమాప్తం అయ్యాయి. కాగా కొంతమేర సరుకు పెద్ద స్టాకిస్టుల వద్ద నిల్వ ఉంది. అయితే - రబీ సీజన్ కోసం ఈ సారి దేశంలో 19.31 లక్షల హెక్టార్లలో - మొక్కజొన్న సాగు చేపట్టబడింది. పంట కోతల తదనంతరమే అమ్మకం అవుతున్నది. కోల్కత్తాలో పౌల్ట్రీ క్వాలిటీ సరుకు ధర ప్రస్తుతం జౌ 2500-2525 మరియు లక్నో, వారణాసి, పంజాబ్ లో పౌల్ట్రీ, స్టార్చ్ కర్మాగారాల డెలివరి ధర 2500-2550 క్వాలిటీ ప్రకారం వ్యాపారమవుతున్నది.

  వ్యవసాయ శాఖ వారి నివేదిక ప్రకారం ప్రస్తుత రబీ సీజన్లో తెలంగాణాలో మొక్కజొన్న విస్తీర్ణం గత ఏడాదితో పోలిస్తే 4.26 లక్షల ఎకరాల నుండి పెరిగి 4.42 లక్షల ఎకరాలకు చేరింది. అయితే, ఎగుమతి డిమాండ్ వలన ధరలు పెరుగుతున్నట్లు వ్యాపారులు అంచనా వేస్తున్నారు. ఎందుకనగా, అంతర్జాతీయ మార్కెట్లో ఉక్రెయిన్ 19 శాతం సరుకు సరఫరా చేస్తున్నది.

  కర్ణాటకలోని అన్ని మార్కెట్లలో కలిసి ప్రతి రోజు 30-40 వేల బస్తాల కొత్త మొక్కజొన్న రాబడి కాగా, స్థానికంగా రూ. 1900-2050, నామక్కల్, ఉడుమల్ పేటె డెలివరి రూ. 2200 ధరతో వ్యాపారమైంది. తమిళనాడు కల్లకుర్చి, తిరుకోవిలూరు, చిన్న సేలం, ఉలుండరుపేట, శంకరాపురం ప్రాంతాలలో ప్రతి రోజు 7-8 వేల బస్తాల రాబడిపై రూ. 1950-2000, ఈరోడ్, పొల్లాచి డెలివరి రూ. 2150-2200 ప్రతి క్వింటాలు ధరతో వ్యాపారమైంది.

  15-02-2022 ఈ ఏడాది దేశంలో ఖరీఫ్ సీజన్ మొక్కజొన్న సేద్యం భారీగా విస్తరించినప్పటికీ అతివృష్టి, సంభవించి పంటకు నష్టం వాటిల్లింది. తగ్గిన ఉత్పత్తి, విదేశాల నుండి పెరిగిన డిమాండ్, కరోనా మహమ్మారి నుండి పొందుతున్న ఊరట మరియు పౌల్ట్రీ పరిశ్రమకు ఇనుమడించిన డిమాండ్తో ధరలు మొక్కజొన్న ధరలు ఇనుమడిస్తున్నాయి. రబీ సీజన్ రాబడులు ప్రారంభమయ్యాయి. మరో రెండు వారాల్లో రాబడులు మరింత ఉధృతం కాగలవు.

  01-02-2022 ప్రస్తుత సీజన్లో 28, జనవరి వరకు దేశంలో మొక్కజొన్న విస్తీర్ణం గత ఏడాదితో పోలిస్తే 17.02 లక్షల హెక్టార్ల నుండి 7.9 శాతం పెరిగి 18.37 లక్షల హెక్టార్లకు చేరింది మరియు ఈ ఏడాది యాసంగి సీజన్ కోసం కేంద్రం ముతక ధాన్యాల కోసం లక్ష్యాన్ని గత ఏడాదితో పోలిస్తే 7.85 లక్షల హెక్టార్ల నుండి పెంచి 8.79 లక్షల హెకార్లకు నిర్ధారించింది. దీనితో బీహార్ లో ఉత్పత్తి భారీగా పెరిగే అవకాశం కలదు.