𝐌𝐘 𝐅𝐀𝐑𝐌𝐈𝐍𝐆 𝐌𝐘 𝐏𝐀𝐒𝐒𝐈𝐎𝐍

   ఈ ఏడాది మిర్చి రైతులకు లాభసాటి ధరలు లభ్యమైనందున పంజాబ్ లోని సునామ్, ఫిరోజ్్పూర్ మరియు పరిసర ప్రాంతాలలో మిర్చి సేద్యం భారీగా విస్తరించింది. పచ్చి కాయలు కొత్త సరుకు ప్రతి కిలో రూ. 5-7 ధరతో అమ్మ కమవుతున్నది. వాతావరణం సానుకూలించినట్లయితే మరో వారం రోజుల తర్వాత మిర్చి రాబడులు పోటెత్తగలవని తెలుస్తోంది. అత్యధికంగా ఈ సరుకు పంజాబ్, హర్యాణా, ఉత్తర ప్రదేశ్, దిల్లీ ప్రాంతాలలో అమ్మ కమయ్యే అవకాశం ఉంది. ధరలు తగ్గినట్లయితే తమిళనాడు, పశ్చిమ బెంగాల్, బీహార్, మధ్య ప్రదేశ్ రాష్ట్రాల నుండి డిమాండ్ నెలకొనే అవకాశం ఉంది.

   గతవారం ఆంధ్రప్రదేశ్, కర్నాటక, తెలంగాణా, గుజరాత్లలోని అన్ని మార్కెట్లలలో కలిసి దాదాపు 12-13 లక్షల బస్తాల సరుకు రాబడి అయింది. అంతేకాకుండా, ఉత్పాదక ప్రాంతాలలోని కోల్డుస్టోరేజీలలో సుమారు 3-4 లక్షల బస్తాల రైతుల సరుకు నేరుగా రవాణా అయింది.వ్యాపారస్తుల అంచనా ప్రకారం ప్రస్తుతం గుంటూరులో ని సుమారు 84 కోల్డు స్టోరేజీలలో కేవలం 74 కోల్డుస్టోరేజీలలో 49-50 లక్షల బస్తాలు, పలనాడు ప్రాంతంలోని మాచర్ల నుండి పిడుగురాళ్ల వరకు 21 కోల్డు స్టోరేజీలలో 13-14 లక్షల బస్తాలు, ఖమ్మం కోల్డ్ స్టోరేజీలలో 9.77 లక్షల బస్తాల సరుకు నిల్వ అయినట్లు అంచనా. 

   లభించిన సమాచారం ప్రకారం వరంగల్ ప్రాంతంలో ఈ ఏడాది 334 రకం మిరప విస్తీర్ణం పెరిగిన నేప ధ్యంలో ఇతర రకాల రాబడులు తగ్గే అంచనా కలదు. లభించిన సమాచారం ప్రకారం విస్తీర్ణం, ఉత్పత్తి అంచనా మరియు నిల్వలను పరిగణలోకి తీసుకుంటే 2022-23 లో మరోసారి ధరలు పెరిగే అంచనా కలదు. వ్యాపారుల అభిప్రాయం ప్రకారం మధ్య ప్రదేశ్ లోని బేడియాలో ఆది, గురు, శనివారాలలో కలిసి 22-25 వేల బస్తాల కొత్త సరుకు రాబడి అయింది. అనగా గత ఏడాది ఇదే వ్యవధితో పోలిస్తే రాబడులు తగ్గాయి. నిమ్ము రకం సరుకు రాబడులు అవుతున్నందున ఆంధ్ర, తెలంగాణలలో మర ఆడించే యూనిట్లు కొనుగోలుకు ముందుకు వస్తున్నందున నాణ్యమైన వండర్ హాట్ ధర పెరిగి రూ. 38,000 వరకు చేరింది. రాబోవు రోజులలో ధరలు మరింత వృద్ధిచెందే అంచనా కలదు. 

 కర్నాటకలోని బ్యాడ్గి లో గురువారం 100 బస్తాలు, సింధనూరులో 25 బస్తాల కొత్త మిరప రాబడి ప్రారంభమయింది. అయితే, రాబడులు పెరగడానికి ఒక నెల సమయం ఉంది. దక్షిణ భారత కోల్డు స్టోరేజీలలో నిల్వలు వేగంగా తగ్గుచున్నాయి. అయితే, మధ్య ప్రదేశ్ లోని ఇండోర్ ప్రాంతంలో రాబడులు ప్రారంభమైనప్పటికీ, ప్రస్తుతం మార్కెట్లలో రాబడులు గత ఏడాదితో పోలిస్తే తక్కువగా ఉన్నాయి. వ్యాపారస్తుల అంచనా ప్రకారం ప్రస్తుతం వర్షాల కారణంగా కర్నూలు, గుంతకల్, అనంతపురం ప్రాంతాలలో పంటకు నష్టం వాటిల్లుతున్నది. గుంటూరు, ప్రకాశం జిల్లాలలో వర్షాల కారణంగా కొన్ని ప్రాంతాలలో నాట్లు వాలిపోయాయి. ఇక ముందు కూడా వర్షాలు కురిసే పరిస్థితి ఉంది. దీనితో అక్టోబర్ -నవంబర్ వరకు నాణ్యమైన రకాల ధర రూ. 1000-1500 వరకు పెరగవచ్చు.

𝐁𝐄𝐃𝐈𝐘𝐀 𝐌𝐀𝐑𝐊𝐄𝐓 𝐑𝐄𝐏𝐎𝐑𝐓 08-10-2022 🌶️   ARRIWALS - Around 3500 - 4000 Bags 

𝐁𝐄𝐃𝐈𝐘𝐀 𝐌𝐀𝐑𝐊𝐄𝐓 𝐑𝐄𝐏𝐎𝐑𝐓 06-10-2022 🌶️   ARRIWALS  -  Around  2500 - 3000 Begs 

𝐁𝐄𝐃𝐈𝐘𝐀 𝐌𝐀𝐑𝐊𝐄𝐓 𝐑𝐄𝐏𝐎𝐑𝐓 02-010-2022 🌶️   ARRIWALS - Around 8000 - 10000 Begs 

𝐁𝐄𝐃𝐈𝐘𝐀 𝐌𝐀𝐑𝐊𝐄𝐓 𝐑𝐄𝐏𝐎𝐑𝐓 01-10-2022 🌶️   ARRIWALS - 400 - 450 Quintal ( Around 1100 - 1200 Bags )

𝐁𝐄𝐃𝐈𝐘𝐀 𝐌𝐀𝐑𝐊𝐄𝐓 𝐑𝐄𝐏𝐎𝐑𝐓 25-09-2022 🌶️    Arrival 300-350 quintal, Around 700-800 bags

    ఆంధ్రప్రదేశ్ లోని గుంటూరు మరియు పరిసర ప్రాంతాలలో సాధారణంగా ఆగస్టు చివరి నుండి మిర్చి నాట్లు వేస్తుంటారు. అయితే, ఈసారి ఇటీవలి కాలం వరకు కురిసిన వర్షాల వలన ఒక నెల జాప్యం ఏర్పడింది. తద్వారా పంట పక్వానికి వచ్చే దశ కూడా ఒక నెల రోజుల పాటు ఆలస్యం కాగలదని తెలుస్తోంది. నాట్లు వేసే ప్రక్రియపై సమగ్రమైన నివేదిక అక్టోబర్ మూడో వారంలో స్పష్టత రాగలదు. మధ్య ప్రదేశ్ లో ఇటీవల కురిసిన భారీ వర్షాలకు ఓంకారేశ్వర్ డ్యాం 10 గేట్లు తెరిచి నీటిని దిగువకు వదులుతున్నారు. ఇప్పటి వరకు వాతావరణం వేడెక్కలేదు. కావున కొత్త సరుకు రాబడులు ప్రారంభం కావడానికి మరింత జాప్యం ఏర్పడగలదని భావిస్తున్నారు.

𝐁𝐄𝐃𝐈𝐘𝐀 𝐌𝐀𝐑𝐊𝐄𝐓 𝐑𝐄𝐏𝐎𝐑𝐓 18-09-2022 🌶️    *Arrival 200-250 quintal, Around 500-600 bags*

   లభించిన సమాచారం ప్రకారం మరో 10 రోజులలో మధ్యప్ర దేశ్ లో కొత్త సరుకు రాబడి పెరిగే అవకాశం కలదు. అయితే ధరలు ఒకసారి రూ. 1500-2000 తగ్గిన తరువాత తిరిగి పుంజుకొనే అంచనా కలదు. ఇందుకు ముఖ్య కారణమేమనగా, ఈ ఏడాది కర్ణాటకలోని బళ్లారి,రాయిచూర్, ఆంధ్ర లోని కర్నూల్ ప్రాంతాలలో ప్రారంభంలో విత్తిన పంటకు వైరస్ వ్యాప్తి చెందడంతో రైతులు పత్తి, మొక్కజొన్న లాంటి పంటల సాగుకు మొగ్గుచూపడంతో, మిరప విస్తీర్ణం తగ్గింది. గుంటూరు, ప్రకాశం, క్రిష్ణ తదితర ప్రాంతాలలో కూడా ఇదే పరిస్థితి గమనించబడింది. అయితే తదుపరి మంచి వర్షాల నేపథ్యంలో నాట్లు కొనసాగుతున్నాయి. 

  మధ్య ప్రదేశ్ లో కొత్త పంట ఉత్పత్తి గత ఏడాదికి ధీటుగా లేదా 5-10 శాతం తగ్గడమో పెరగడమో జరగవచ్చని భావిస్తున్నారు. మసాలా గైండింగ్ యూనిట్లు సీజన్ లో పెరుగుతున్న ధరలను దృష్టిలో పెట్టుకొని భారీగా సరుకు కొనుగోలు చేసినప్పటికీ దాదాపు 75 శాతం మేర చేసిన సరుకు అమ్మకమైంది. కావున మరో రెండు - మూడు వారాలలో కొనుగోళ్లు ఊపందుకునే అవకాశం కనిపిస్తున్నది. మధ్యప్రదేశ్ మార్కెట్లలో రాబడి అయిన సరుకు వెనువెంటనే అమ్మకం కాగలదని వ్యాపారులు భావిస్తున్నారు. 

  దేశంలో 2021-22 సీజన్ మసాలా దినుసుల ఉత్పత్తి ముందు సీజన్తో పోలిస్తే 1.10 కోట్ల టన్నుల నుండి 1.5 స్వల్పంగా క్షీణించి 1.09 కోట్ల టన్నులకు పరిమితమైందని, తద్వారా మిర్చి ఉత్పత్తి 20 ల.ట. నుండి 19 ల.ట.కు పరిమితమైందని మసాలా బోర్డు విడుదల చేసిన తమ నివేదికలో పేర్కొన్నది. ప్రస్తుతం ఉత్పాదక ప్రాంతాలలో ఎడతెరిపి లేకుండా కురుస్తున్న వర్షాలకు సేద్యం కుంటుపడుతోంది. అయితే, పంట విత్తేందుకు మరో రెండు నెలల సమయం ఉంది. రైతులకు తమ ఉత్పత్తిపై లాభసాటి ధరలు గిట్టుబాటవుతున్నందున సేద్యం శరవేగంతో విస్తరిస్తున్నారు. అయితే, గత ఏడాది ఎదుర్కొన్న అనుభవాన్ని దృష్టిలో పెట్టుకొని ఈసారి పంటకు సోకే కీటకాలపై కూడా దృష్టి సారిస్తున్నారు.

  ఆంధ్రప్రదేశ్లో ఈ ఏడాది జూన్ 1 - ఆగస్టు 10 మధ్య కాలంలో రుతుపవనాల వర్షాలు సాధారణంతో పోలిస్తే 304 మి.మీ.కు గాను 355.8 మి.మీ. వర్షపాతం నమోదైనందున ఆగస్టు 10 నాటికి మిర్చి సేద్యం గత ఏడాది ఇదే వ్యవధితో పోలిస్తే 84,762 హెక్టార్ల నుండి తగ్గి కేవలం 24,443 హెక్టార్లకు పరిమితమైంది. సీజన్ పర్యంతం మిర్చి సేద్యం 12-13 శాతం తగ్గగలదని విశ్లేషణలు వెలువడుతున్నాయి. ఆంధ్రప్రదేశ్లోని గుంటూరు మార్కెట్లో గత వారం నిర్వహించిన 4 రోజుల లావాదేవీలలో 1.25 లక్షల బస్తాల సరుకు రాబడి అయింది. గుంటూరు శీతల గిడ్డంగుల నుండి 1 లక్ష బస్తాలు మరియు పరిసర ప్రాంతాల నుండి 25 వేల బస్తాలు కలిసి మొత్తం 1.25 లక్షల బస్తాల సరుకు అమ్మకం అయింది. 

  వ్యాపారస్తుల కథనం ప్రకారం ఈ ఏడాది ఆంధ్ర, తెలంగాణ లలో మిరప విత్తనాల అమ్మకాలు గణనీయంగా తగ్గిన నేపథ్యంలో 2022-23 సీజన్లో ఉత్పత్తి భారీగా తగ్గే అవకాశం కనిపిస్తోంది. కొందరు రైతుల అభిప్రాయం ప్రకారం గత ఏడాది మాదిరిగా వచ్చే సీజన్లో కూడా పంటకు చీడపీడల బెడద ఉండగలదని భావిస్తూ, రెత్తులు మిరప స్థానంలో పత్తి లాంటి ఇతర పంటల సాగుకు మొగ్గుచూపుతున్నారు. ఎందుకనగా దిగుబడి తగ్గడం వలన సీజన్లో నాణ్యమైన సరుకుకు రూ. 18,000-20,000 ప్రతి క్వింటాలు ధర లభించినప్పటికీ, గిట్టుబాటు ఉండదు. ఈ ఏడాది దక్షిణ భారతంలో ఉత్పత్తి తగ్గడం మరియు వచ్చే ఏడాది కూడా ఉత్పత్తి తగ్గినట్లయితే, 2022 దీపావళి నాటికి మిరప ధరలు రికార్డు స్థాయికి చేరే అవకాశం ఉంది. 

  దేశంలోని అన్ని మిరప ఉత్పాదక రాష్ట్రాలలో కలిసి వారంలో సుమారు 10 లక్షల బస్తాలకు పైగా సరుకు రాబడిపై 90 శాతం అమ్మకమైంది.గుంటూరు మార్కెట్లో గత వారం 5 రోజుల మార్కెట్లో 4.70 లక్షల బస్తాల కొత్త మిరప రాబడిపై మీడియం, మీడియం బెస్ట్ రకాలు అధికంగా ఉన్నాయి. మరియు 4 లక్షల బస్తాల అమ్మకంపై తేజ మీడియం, మీడియం బెస్ట్ రకాలు రూ. 1000-2000, తేజ తాలు రూ. 500 తగ్గాయి. ఇందుకు ముఖ్య కార ణమేమనగా, చైనా, బంగ్లాదేశ్ మొదలగు మిరప దిగుమతి దేశాల ద్వారా డిమాండ్ తగ్గడంతో పాటు స్థానిక యూనిట్ల కోసం డీలక్స్ రకాలకు మంచి డిమాండ్ ఉన్నప్పటికీ, మార్కెట్లలో వీటి రాబడి కేవలం 10-15 శాతం అవుతున్నాయి. తీవ్ర ఎండల కారణంగా మే 9 నుండి ప్రతి సంవత్సరం మాదిరిగానే ఒక నెల రోజుల పాటు వేసవి సెలవులు ప్రకటించనున్నది. 

  గుంటూరు మార్కెట్లో గత సోమవారం నుండి బుధవారం వరకు 3 రోజుల మార్కెట్లలో 2.90 లక్షల బస్తాల కొత్త మిరప రాబడి కాగా, 2.80 లక్షల బస్తాల సరుకు అమ్మకం అయింది. ఇందులో ' నాణ్యమైన సూపర్ డీలక్స్ రకాల సరుకు కొరతతో 355 బడిగ, సూపర్-10, బంగారం మొదలగు రకాల ధరలు రూ. 400-500 పెరిగాయి. తమిళనాడులో కౌంటర్ సేల్ కోసం నాణ్యమైన సరుకులకు డిమాండ్ రావడంతో రూ. 20,000 ప్రతి క్వింటాలు ధరతో వ్యాపారమైంది. అయితే ఇతర డీలక్స్ రకాలు రూ. 19,000-19,500 ధరతో వ్యాపారం అయ్యాయి. గత వారం శీతల గిడ్డంగులలలో నిల్వ అయిన తేజ రకం రూ. 19,000తో పాటు డీలక్స్ సరుకు కొరత మరియు పౌడర్ రకాల కొనుగోళ్లతో మీడియం, మీడియం బెస్ట్ రకాలకు డిమాండ్ నెలకొనడంతో ధర రూ. 200 పెరిగింది.

  గుంటూరు మార్కెట్లో దినసరి సగటున 1 లక్ష బస్తాల మిరప రాబడి అవుతోంది. గత వారం 4 రోజుల మార్కెట్లలో 3.80 లక్షల బస్తాల కొత్త మిరప రాబడి కాగా, మిగులు నిల్వలు సహా 4 లక్షల బస్తాల సరుకు అమ్మకం అయింది. ఇందులో తేజ డీలక్స్ రూ. 300, నెంబర్-5, సింజెంట బడిగ, 334, సూపర్-10, అన్ని మీడియం, మీడియం బెస్ట్, తేజ తాలు, మిగతా రకాలతో పాటు ఇతర తాలు రకాలలో రూ. 500, తేజ మీడియం, మీడియం బెస్ట్, ఆర్మూర్, బుల్లెట్ రకాలు రూ. 800, డిడి, 341, 355-బడిగ, బంగారం రకాలు రూ. 1000 మరియు 2043 రకం ధర రూ. 1500 ప్రతి క్వింటాలుకు పెరిగింది. పచ్చళ్ళ తయారీదారుల కోసం పౌడర్ రకాలకు డిమాండ్ పెరుగుతున్నది. అయితే డీలక్స్ రకాల కొరతతో ఎక్కువగా మీడియం, మీడియం బెస్ట్ రకాల సరుకు అమ్మకం అవుతోంది.

  గుంటూరు మార్కెట్లో గత వారం 4 రోజుల మార్కెట్లలో 3.10 లక్షల బస్తాల కొత్త మిరప రాబడి కాగా, మిగులు నిల్వలు సహా 3.30 లక్షల బస్తాల సరుకు అమ్మకం అయింది. ఇందులో కేవలం 20-30 శాతం డీలక్స్రకాలు ఉండడంతో ధరలు రూ.200-300 పెరిగాయి. కాగా మీడియం,మీడియం బెస్ట్ రకాల సరుకు వ్యాపారం అవుతోంది. ప్రస్తుతం రాబడులు తగ్గాయి.రైతులు కూడా ధరలు మెరుగ్గా ఉన్నందున కోల్డ్ స్టోరేజీలలో నిల్వ చేయడానికి  బదులుగా సరుకు విక్రయానికే ఆసక్తి చూపుతున్నారు. గుంటూరు కోల్డ్ స్టోరేజీలలో వారంలో 50 వేల బస్తాల రాబడి కాగా, 45 వేల బస్తాల సరుకు అమ్మకం అయింది. ఇందులో రెండు నెలల క్రితం నిల్వ చేసిన సరుకు కూడా అమ్మకానికి మొగ్గు చూపుతున్నారు.