𝐌𝐘 𝐅𝐀𝐑𝐌𝐈𝐍𝐆 𝐌𝐘 𝐏𝐀𝐒𝐒𝐈𝐎𝐍

   మధ్య ప్రదేశ్, రాజస్తాన్, గుజరాత్ లాంటి రాష్ట్రాలలో మెంతుల నిల్వలు సమృద్ధిగా అందుబాటులో ఉన్నాయి. గత వారం మధ్య ప్రదేశ్, గుజరాత్ నుండి వారంలో దాదాపు 50-60 వేల బస్తాల సరుకు అమ్మకం కాగా గిరాకీ కొరవడినందున ధరలు ఒత్తిడికి గురై నిరంతరం నేల చూపులు చూస్తున్నాయి.

   మధ్య ప్రదేశ్, రాజస్థాన్, గుజరాత్ లాంటి ప్రముఖ మెంతుల ఉత్పాదక రాష్ట్రాలలో భారీగా సరుకు నిల్వలు ఉన్నందున మరియు పంట విత్తే సమయం చేరువలో ఉండడం వలన స్టాకిస్టుల అమ్మకాలు పెరుగుతున్నాయి. 

   మధ్యప్రదేశ్లోని జామ్లాలో గత వారం 4-5 వేల బస్తాల మెంతుల రాబడిపై రూ. 4400-4500, మీడియం రూ.5000-5200, మీడియం బెస్ట్ రూ. 6000-6500, నాణ్యమైన సరుకు రూ. 6700-6800, పాప్ రూ. 7000-7500,

   మెంతుల ఉత్పాదక రాష్ట్రాలలో గత వారం కొనుగోళ్లు ఊపందుకున్నప్పటికీ ధర కేవలం రూ. 150-200 ఒడిదొడుకుల మధ్య కొనసాగింది. ఎందుకనగా, ఈ ఏడాది ప్రముఖ మెంతుల ఉత్పాదక రాష్ట్రాలైన గుజరాత్, రాజస్తాన్, మధ్యప్రదేశ్లో ఉత్పత్తి సమృద్ధిగా ఉండగలదనే అంచనా ఇందుకు నిదర్శనం. సరఫరా ఇప్పటికీ కొనసాగుతూనే ఉంది. వ్యాపారులు తమ అవసరానికి అనుగుణంగా సరుకు కొనుగోలు చేస్తున్నారు.