𝐌𝐘 𝐅𝐀𝐑𝐌𝐈𝐍𝐆 𝐌𝐘 𝐏𝐀𝐒𝐒𝐈𝐎𝐍

𝐁𝐘𝐀𝐃𝐆𝐈 𝐂𝐇𝐈𝐋𝐋𝐈 𝐌𝐀𝐑𝐊𝐄𝐓 𝐑𝐄𝐏𝐎𝐑𝐓 29-09-2022 🌶️ *A/C ARRIVALS 20000 BAGS SALES APPROX 8000 BAGS*

𝐖𝐀𝐑𝐀𝐍𝐆𝐀𝐋 𝐂𝐇𝐈𝐋𝐋𝐈 𝐌𝐀𝐑𝐊𝐄𝐓 𝐑𝐄𝐏𝐎𝐑𝐓 22-09-2022 🌶️ *AC* *ARRIVALS 4000 TO 6000 BAGS*

  𝐊𝐇𝐀𝐌𝐌𝐀𝐌 𝐌𝐀𝐑𝐊𝐄𝐓 𝐑𝐄𝐏𝐎𝐑𝐓 10-02-2022 🌶️

  𝐖𝐀𝐑𝐀𝐍𝐆𝐀𝐋 𝐌𝐀𝐑𝐊𝐄𝐓 𝐑𝐄𝐏𝐎𝐑𝐓 10-02-2022 🌶️

𝐆𝐔𝐍𝐓𝐔𝐑 𝐌𝐀𝐑𝐊𝐄𝐓 𝐑𝐄𝐏𝐎𝐑𝐓 10-02-2022 🌶️

  05-12-2021 వ్యాపారస్తుల కథనం ప్రకారం మధ్య ప్రదేశ్లోని అన్ని ఉత్పాదక కేంద్రాలలో కలిసి గతవారం 1.25 లక్షల బస్తాలకు పైగా మిరప రాబడిపై మర ఆడించే యూనిట్ల డిమాండ్తో  ధరలు హెచ్చుముఖంలో ఉన్నాయి. ఇందుకు ముఖ్య కారణమేమనగా, ఆంధ్రలో తరచుగా వస్తున్న తుఫానుల నేపథ్యంలో భారీ వర్షాల వలన పంటకు నష్టం చేకూరడంతో పాటు చీడపీడల బెడద వలన దిగుబడి తగ్గే అవకాశం ఉండడంతో పాటు మహారా ష్ట్రలోని బుల్జానా, చిక్లీ, డొండాగాంవ్ ప్రాంతాలలో 15 రోజులలో రాబడులు సమాప్తమయ్యే అవకాశం ఉంది. మరియు నందూర్ బార్, బుర్హాన్పూర్ తదితర ప్రాంతాలు, గుజరాత్లలో భారీ వర్షాల వలన పంటకు నష్టం చేకూరడంతో అలాగే రాబడులు ఆలస్యం కావడంతో మిరప వ్యాపారులు అప్రమత్తమయ్యారు. నాణ్యమైన సరుకు కోసం డిమాండ్ తో పోలిస్తే సరఫరా తక్కువగా ఉండడంతో ధరలు హెచ్చుముఖంలో ఉన్నాయి.

 ప్రముఖ మిరప ఉత్పాదక రాష్ట్రాలైన ఆంధ్రప్రదేశ్, తెలంగాణలలో భారీ వర్షాలు కురుస్తున్నాయి. ప్రకాశం, గుంటూరు జిల్లాలలో పంట మరియు పూతపై నల్లి తెగులు సోకడంతో రైతులు పంట పెరికివేస్తున్నారు. కర్నూలు, కడప, నెల్లూరు జిల్లాలలో భారీ వర్షాల వలన ఆలస్యంగా విత్తిన పంటకు నష్టం వాటిల్లింది. మధ్య ప్రదేశ్, మహారాష్ట్రలలో వర్షాల వలన పంట కోతలకు అవరోధం ఏర్పడింది. కొందరు వ్యాపారులు ఎగుమతి వ్యాపారుల కోసం ఎడ్వాన్స్ వ్యాపారం చేసారు. ఇందుకోసం కొనుగోలు డిమాండ్ రావడంతో దేశవ్యాప్తంగా ఉత్పాదక రాష్ట్రాలలో మిరప ధరలు రూ. 1000-1500 ప్రతి క్వింటాలుకు పెరిగాయి. కర్నూలు, ఎమ్మిగనూరు ప్రాంతాలలో ప్రస్తుతం కురుస్తున్న వర్షాలతో పంటకు భారీ నష్టం వాటిల్లింది. దీనితో కొత్త నాణ్యమైన మిరప రాబడి కోసం 2 నెలల సమయం పట్టగలదు. ప్రకాశం జిల్లాలో దిగుబడి తగ్గే అవకాశం కలదు.

  ఖమ్మంలో గత మంగళవారం 10 బస్తాల కొత్త మిర్చి రాబడిపై ధర రూ. 7011, వరంగల్లో గురువారం 7  బస్తాలు తేజ రూ. 10,500 ధరతో ముహూర్త వ్యాపారమైంది. ఆంధ్రప్రదేశ్లో ఇటీవల కురిసిన కుండపోత వర్షాలకు పంటకు ప్రయోజనం చేకూరుతున్నది.

18-10-2021  వ్యాపారస్తుల కథనం ప్రకారం నవంబర్ మొదటి మొదటివారం నుండి మధ్యప్రదేశ్, మహారాష్ట్రలలో రాబడులు పెరిగే అవకాశం కలదు. దీనితో ధరల పెరుగుదలకు అడ్డుకట్ట పడింది. ఎందుకనగా, అధిక నిల్వలు ఉన్నప్పటికీ స్టాకిస్టులు నెమ్మదిగా విక్రయిస్తున్నారు.

  11-10-2021 గుంటూరు మార్కెట్లో గత వారంలో కోల్డుస్టోరేజీల నుండి 5 లక్షల బస్తాలు మరియు హిందూపూర్లో దాదాపు 1500 బస్తాల కొత్త సరకు రాబడితో పాటు మధ్యప్రదేశ్లో 25-27 వేల బస్తాల కొత్తసరుకు రాబడి కాగా, మరో 15 రోజులలో కర్నాటకలో కొత్త సరుకు రాబదులు పెరిగే అవకాశం ఉన్నందున స్టాకిస్టులు సాధ్యమైనంత త్వరగా బయటపడాలని చూస్తున్నారు. దీనితో ధరల పెరుగదల పరిస్థితి సమాప్తమయింది. 

  మిర్చి పంటకు తోడ్పడిన సానుకూల వాతావరణం  దేశంలోని ప్రముఖ మిర్చి ఉత్పాదక రాష్ట్రాలలో ఎడతెరిపి లేకుండా కురిసిన వర్షాలకు రాబోయే పంటకు అత్యంత ప్రయోజనం చేకూరుతున్నట్లు రైతులు హర్షం వ్యక్తం చేస్తున్నారు. అయితే, దక్షిణాది రాష్ట్రాల స్టాకిస్టులు మరియు రైతులు చౌక ధరలతో సరుకు విక్రయించేందుకు విముఖత వ్యక్తం చేస్తున్నారు. తద్వారా ఆంధ్రప్రదేశ్, కర్ణాటక రాష్ట్రాల మార్కెట్లలో శీతల గిడ్డంగుల నుండి రాబడి అయిన సరుకు మొత్తం విక్రయించడంలో విఫలమవుతున్నారు. మధ్యప్రదేశ్, మహారాష్ట్ర, గుజరాత్, ఆంధ్రప్రదేశ్, తెలంగాణ మరియు కర్ణాటకలో రాబోయే పంట దిగుబడులు వృద్ధి చెందే అంచనాతో పలువురు రైతులు పచ్చిమిరపకాయలనే కోసి విక్రయిస్తున్నారు.