𝐌𝐘 𝐅𝐀𝐑𝐌𝐈𝐍𝐆 𝐌𝐘 𝐏𝐀𝐒𝐒𝐈𝐎𝐍

రాబోయే సీజన్ లో వాము ఉత్పత్తి తగ్గనున్నట్లు సంకేతాలు అందుతున్నందున ధరలు ఇనుమడిస్తున్నాయి. ఈ ఏడాది సరుకు నిల్వలు కూడా అంతంత మాత్రమే ఉన్నాయి. ఆంధ్రప్రదేశ్, తెలంగాణ, కర్ణాటకలో కురిసిన భారీ వర్షాలతో పంటకు తీరని నష్టం వాటిల్లినందున ఉత్పత్తి గత ఏడాదితో పోలిస్తే 40-45 శాతం తగ్గగలదనే విశ్లేషణలు వెల్లువెత్తుతున్నాయి. కొందరు రైతులు వాము పంటను పెకలించి ఇతర పంటల సాగు చేపడుతున్నారు.

దిగిరానంటున్న జీలకర్రవాయిదా ధరలు

చైనా, బంగ్లాదేశ్ నుండి జీలకర్ర కు డిమాండ్ బలహీన పడినప్పటికీ వాయిదా ధరలు తగ్గడం లేదు. కొత్త సీజన్ ప్రారంభం కావడానికి మరో 4-5 నెలల సమయం ఉంది. సేద్యం ప్రక్రియ మరో 1-2 వారాలలో ప్రారంభం కానున్నది. ప్రస్తుత సీజన్ లో ఉత్పత్తి కుండటుపడినందున సీజన్ ప్రారంభం నుండే ధరలు ఇనుమడిస్తున్నందున పలువురు దిగ్గజ రైతుల సరుకు అమ్మకం కాలేదు.

వృద్ధి చెందుతున్న పత్తి పంట - అడుగంటుతున్న నిల్వలు

ప్రపంచంలో అతిపెద్ద పత్తి ఉత్పాదక దేశమైన భారత్ లో అక్టోబర్ 1 నుండి ప్రారంభమైన ప్రస్తుత పత్తి సీజన్ (2022-23) కోసం దేశంలో పత్తి ఉత్పత్తి ముందు సంవత్సరంతో పోలిస్తే 12 శాతం ఇనుమడించి 3.44 కోట్ల బేళ్ల (ప్రతి బేలు 170 కిలోలు) కు చేరగలదని ప్రముఖ పత్తి వ్యాపార సమాఖ్య పేర్కొన్నది. కొత్త సీజన్ మిగులు నిల్వలు గత సీజన్ తో పోలిస్తే 71.80 లక్షల బేళ్ల నుండి తగ్గి 31.90 లక్షల బేళ్లతో ప్రారంభమైంది.

రబీ మొక్కజొన్నకు పెరుగుతున్న ఆదరణ

ప్రస్తుత సీజన్ లో అక్టోబర్ 21 నాటికి దేశంలో ముతక ధాన్యాల సేద్యం గత ఏడాది ఇదే వ్యవధితో పోలిస్తే 1.45 ల.హె. నుండి పెరిగి 2.45 ల.హె.కు విస్తరించింది. ఇందులో మొక్కజొన్న 43 వేల హెక్టార్ల నుండి 65 వేల హెక్టార్లు, జొన్న 95 వేల హెక్టార్ల నుండి 1.65 ల.హె., రాగులు 5 వేల హెక్టార్ల నుండి 10 వేల హెక్టార్లు మరియు బార్లీ 1000 హెక్టార్ల నుండి పెరిగి 5 వేల హెక్టార్లకు విస్తరించింది.

ఆముదాల రాబడి

ఆదోనిలో వారంలో 10-15 వేల బస్తాల కొత్త ఆముదాల రాబడిపె రూ. 5950-6080, గిద్దలూరు, వినుకొండ ప్రాంతాలలో 4 లారీల రాబడిపై రూ. 5900-6000 మరియు కర్నూలు, ఎమ్మిగనూరు తదితర మార్కెట్లలో కలిసి వారంలో 15-20 వేల బస్తాల కొత్త సరుకు రాబడిపై

పెరుగుతున్న నువ్వుల రాబడులు - విస్తృతమవుతున్న రబీ సేద్యం

ఉత్తరప్రదేశ్, మధ్య ప్రదేశ్ లలో దినసరి 20 వేల బస్తాల రాబడి అవుతోంది. అయితే ప్రస్తుతం వర్షాల కారణంగా సరుకు నిమ్ముతో పాటు డిస్ కలర్ కావడంతో ధరలు తగ్గి గ్వాలియర్లో 99.1 రకం రూ. 12,800-12,900, హల్లింగ్ రూ. 12,500-12,600, ఆగ్రాలో హళ్లింగ్ సరుకు రూ. 12,400-12,500, కాన్పూర్ లో హళ్లింగ్ సరుకు 12,600-12,800, ముంబైలో తెల్లనువ్వులు సార్టెక్స్ రూ. 13,700, ముంద్రా డెలివరి రూ. 13,500 ప్రతి క్వింటాలు ధరతో వ్యాపారమైంది.

పెరిగిన శనగల మద్దతు ధర

గత వారం ఖరీఫ్ సీజన్ లోని ఆరు పంటల మద్దతు ధరలను పెంచుతున్న కేంద్ర మంత్రివర్గ సమావేశానంతం ప్రకటించింది. ఇందులో శనగల కోసం ప్రస్తుతం ఉన్న రూ. 5230 నుండి రూ. 105 పెంచి రూ. 5335 ప్రతి క్వింటాలుకు నిర్ధారించింది. శనగ సేద్యం పురోగతిపై గత వారమే రాజస్తాన్ నుండి నివేదిక అందింది. రాబోయే సీజన్ లో బఫర్ నిల్వలకోసం కేంద్ర ప్రభుత్వం కందులు కొనుగోలు చేసే అవకాశం కనిపిస్తున్నదని వ్యాపార వర్గాలు తమ అభిప్రాయం వెల్లడించాయి.

తగ్గిన వేరుశనగ ఉత్పత్తి

ప్రస్తుత ఖరీఫ్ సీజన్లో వేరుసెనగ విస్తీర్ణం గత ఏడాది ఇదే వ్యవధితో పోలిస్తే 5 లక్షల హెక్టార్ల మేర తగ్గింది. ఇందులో గుజరాత్ లో విస్తీర్ణం 2 ల.హె. మేర తగ్గి నందున ఉత్పత్తి గత ఏడాదితో పోలిస్తే 38.55 ల.హె. నుండి తగ్గి 30 ల.హె.లకు చేరే అంచనా కలదు. ఎందుకనగా విస్తీర్ణంతో పాటు దిగుబడి కూడా తగ్గుచున్నది. అయితే గుజరాత్ లో మొత్తం విస్తీర్ణం గత ఏడాది సాధారణ స్థాయిలో ఉన్నందున ఉత్పత్తి 30 లక్షల టన్నులు ఉంది. అయితే ప్రతి హెక్టారు సగటు దిగుబడి 2020 కిలోల నుండి తగ్గి 1755 కిలోలు ఉండే అంచనా కలదు.కేంద్ర ప్రభుత్వం మద్దతు ధర రూ. 5850 ప్రతి క్వింటాలు ఉంది.

పెరిగిన రబీ మినుముల సేద్యం

దేశంలో రబీ సీజన్ మినుముల సేద్యం ప్రారంభమైంది. అక్టోబర్ 21 నాటికి సేద్యం గత ఏడాది ఇదే వ్యవధితో పోలిస్తే 7 వేల హెక్టార్ల నుండి పెరిగి 13 వేల హెక్టార్లకు విస్తరించింది. సేద్యం మరింత విస్తరించగలదు. మినుములు మరియు కందుల ధరలపై ప్రభుత్వ దృష్టి సారించడం వలన ధరల పెరుగుదలకు కళ్లెం పడగలదని వ్యాపారులు భావిస్తున్నారు. అంతర్జాతీయ విపణిలో ఎసక్యూ 15 డాలర్ తగ్గి 960 డాలర్ మరియు ఎస్ఎ క్యూ 820 డాలర్ ప్రతి టన్ను ప్రతిపాదించబడినందున ముంబైలో ఎస్ఎ క్యూ రూ. 7150, చెన్నైలో రూ. 7000, ఎ క్యూ రూ. 8100, కోల్ కతాలో ఎస్ఎ క్యూ రూ. 7200-7350, దిల్లీలో ఎస్ క్యూ రూ. 8500, ఎస్ఎ క్యూ రూ. 7350 ప్రతి క్వింటాలు ధరతో వ్యాపారమైంది.

తగ్గిన కందుల సేద్యం

ప్రముఖ పప్పు ధాన్యాల ఉత్పాదక ప్రాంతమైన మధ్య భారత్ లో సెప్టెంబర్-అక్టోబర్ లో ఎడతెరిపి లేకుండా కురిసిన వర్షాలతో కంది పంటకు నష్టం వాటిల్లినందున ప్రస్తుత ఖరీఫ్ సీజన్ లో కందుల ఉత్పత్తి గత ఏడాదితో పోలిస్తే 43,40 ల.ట. నుండి తగ్గి 38.90 ల.ట. రాబడి కాగలదనే అంచనా వ్యక్తమవుతున్నది. దేశంలో కందుల వార్షిక ఉత్పత్తి 43.25 ల.ట. ఉండగలదని భావిస్తున్నారు. పప్పు మిల్లులకు సకాలంలో సరుకు అందుబాటులో ఉండాలి. అందుకు భిన్నంగా స్టాకిస్టులు మరియు దిగ్గజ రైతుల అధీనంలో సరుకు నిల్వలు మగ్గుతున్నాయి.

రికార్డు బద్దలు కొడుతున్న మిరప ధరలు

లభించిన సమాచారం ప్రకారం వరంగల్ ప్రాంతంలో ఈ ఏడాది 334 రకం మిరప విస్తీర్ణం పెరిగిన నేప ధ్యంలో ఇతర రకాల రాబడులు తగ్గే అంచనా కలదు. లభించిన సమాచారం ప్రకారం విస్తీర్ణం, ఉత్పత్తి అంచనా మరియు నిల్వలను పరిగణలోకి తీసుకుంటే 2022-23 లో మరోసారి ధరలు పెరిగే అంచనా కలదు. వ్యాపారుల అభిప్రాయం ప్రకారం మధ్య ప్రదేశ్ లోని బేడియాలో ఆది, గురు, శనివారాలలో కలిసి 22-25 వేల బస్తాల కొత్త సరుకు రాబడి అయింది. అనగా గత ఏడాది ఇదే వ్యవధితో పోలిస్తే రాబడులు తగ్గాయి. నిమ్ము రకం సరుకు రాబడులు అవుతున్నందున ఆంధ్ర, తెలంగాణలలో మర ఆడించే యూనిట్లు కొనుగోలుకు ముందుకు వస్తున్నందున నాణ్యమైన వండర్ హాట్ ధర పెరిగి రూ. 38,000 వరకు చేరింది. రాబోవు రోజులలో ధరలు మరింత వృద్ధిచెందే అంచనా కలదు.

పసుపు నిల్వలు భేష్

దేశంలోని ప్రముఖ పసుపు ఉత్పాదక రాష్ట్రాలైన తెలంగాణ, మహారాష్ట్ర, ఆంధ్ర ప్రదేశ్, తమిళనాడులో సరుకు నిల్వలు సమృద్ధిగా అందుబాటులో ఉన్నాయి. మసాలా గైండింగ్ యూనిట్ల వద్ద డిసెంబర్ చివరి దాకా సరిపడునంత సరుకు నిల్వలు అందుబాటులో ఉన్నందున ధరలు - పురోగమించే అవకాశం లేదు.ఎన్ సిడి ఇఎక్స్ వద్ద అక్టోబర్ వాయిదా రూ. 7154 తో ప్రారంభమై గురువారం నాటికి రూ. 12 వృద్ధి చెంది రూ. 7156, నవంబర్ వాయిదా రూ. 256 పెరిగి రూ. 7690 వద్ద ముగిసింది.

హెచ్చుముఖం లో ధనియాల ధరలు

వ్యాపారస్తుల కథనం ప్రకారం ప్రస్తుత 2021-22 సంవత్సరం రబీ సీజన్ కోసం ఉత్పత్తి తగ్గడంతో ధరలు హెచ్చుముఖంలో ఉన్నాయి. దీనితో ఇంతవరకు 80-85 శాతం రైతుల సరుకు అమ్మకమయింది. సీజన్లో నిల్వ అయిన చిన్న వ్యాపారుల 50-60 శాతం సరుకు కూడా అమ్మకమయింది. ప్రస్తుతం కురుస్తున్న వర్షాల వలన సరఫరా తగ్గడంతో మరియు దక్షిణాది రాష్ట్రాలలో పెద్ద రైతులు మరియు మసాలా దినుసుల వ్యాపారులు తమ అవసరానికి అనుగుణంగానే కొనుగోలు చేస్తున్నందున మార్కెట్ ధరలు స్థిరంగా ఉన్నాయి. అయితే, స్పెక్యులేటర్ల అంచనా ప్రకారం నవంబర్ నుండి జనవరి వరకు మార్కెట్ ధరలు పటిష్టంగా ఉండే అంచనా కలదు. దీనితో గతవారం ఎన్ సిడిఎ లో సోమవారం ధనియాల అక్టోబర్ వాయిదా రూ. 11118 తో ప్రారంభమైన తరువాత శుక్రవారం వరకు రూ. 410 పెరిగి రూ. 11528, నవంబర్ వాయిదా రూ. 204 పెరిగి రూ. 11318 తో ముగిసింది. ఈ ఏడాది అన్ని ఉత్పాదక మార్కెట్లలో ధనియాల రాబడులు గత ఏడాదితో పోలిస్తే తగ్గాయి. దీనితో గత ఏడాది నిల్వలు కూడా నామమాత్రంగా ఉన్నాయి. కొత్త సీజన్ ప్రారంభం కావడానికి దాదాపు 4 నెలల సమయం ఉంది. ఎందుకనగా, అక్టోబర్, నవంబర్ నుండి పంట విత్తడం ప్రారంభమవుతుంది.

మినుములు స్థిరం

రబీ సీజన్ కోసం మినుమ సేద్యం సమయానికి ముందే ప్రారంభమైంది. గుంతకల్ ప్రాంతంలో మరో నెలలో కొత్త సరుకు రాబడి ప్రారంభమయ్యే అవకాశం కలదు. అయితే ప్రస్తుత వర్షాల వలన పంటకు నష్టం చేకూరే పరిస్థితి ఉంది. మహబూబ్ నగర్ ప్రాంతంలో పంటకు అనుకూల వర్షాలు ఉన్నప్పటికీ, రాబోవు రోజులలో వర్షాలు అధికంగా ఉంటే నష్టం చే కూర గలదు. ప్రస్తుతం మహారాష్ట్ర, మధ్య ప్రదేశ్, ఉత్తరప్రదేశ్ ప్రాంతాల గైవిటీ క్లీన్ సరుకు ఆంధ్ర కోసం రవాణా అవుతోంది.

బలోపేతం చెందుదుతన్న మొక్కజొన్న ధరలు

ప్రస్తుతం ఆంధ్రప్రదేశ్, కర్ణాటక, తెలంగాణ, మహారాష్ట్రలో తరుచుగా కురుస్తున్న వర్షాలకు ఉత్పాదకులు తమ పంటను ఆరబెట్టడానికి సవాళ్లు ఎదుర్కొంటున్నారు. అడుగంటిన పాత సరుకు నిల్వలు పొట్టీ పరిశ్రమ డిమాండ్ నెలకొన్నందున దరలకు మద్దతు లభిస్తున్నది. దేశంలో ఖరీఫ్ సీజన్ పంట కోతలతో పాటు రబీ సీజన్ సేద్యం ప్రక్రియ ప్రారంభమైందని వ్యవసాయ శాఖ విడుదల చేసిన తమ వారంతపు నివేదికలో పేర్కొన్నది. అక్టోబర్ 14 వరకు మొక్కజొన్న సేద్యం గత ఏడాది ఇదే వ్యవధితో పోలిస్తే 32 వేల హెక్టార్ల నుండి పెరిగి 36 వేల హెక్టార్లు, రాగులు 1000 హెక్టార్లు, జొన్న సేద్యం 42 వేల హెక్టార్ల నుండి తగ్గి 39 వేల హెక్టార్లకు పరిమితమైంది.

పెరిగిన పసుపు వాయిదా ధరలు

గత వారం ఆంధ్ర, తెలంగాణ, మహారాష్ట్రా లాంటి పసుపు ఉత్పా దక రాష్ట్రాలలో వర్షాల కారణంగా రాబడులు తగ్గడంతో పాటు ఎగుమతి డిమాండ్ ఉండడంతో మార్కెట్, వాయిదా ధరలు రూ. 150-200 ప్రతి క్వింటాలుకు వృద్ధి చెందాయి. లభించిన సమాచారం ప్రకారం గత రెండు నెలలుగా ధరలు స్థిరంగా ఉండడంతో పసుపు వాయిదా వ్యాపారం చేసేవారి గిరాకీ పెరుగుతున్నది. దీనితో ధర లలో హెచ్చు తగ్గులు కొనసాగుతున్నాయి. అయితే మార్కెట్లో సరుకు నిల్వలు ఉన్నాయి. అమ్మకందారులు ధరలు పెరగడాన్ని నిరీక్షిస్తున్నారు. అయితే ఎన్ సిడిఇఎ లో సోమవారం అక్టోబర్ వాయిదా రూ. 6812 తో ప్రారంభమైన తరువాత శుక్రవారం వరకు రూ. 142 పెరిగి రూ. 6954 మరియు నవంబర్ వాయిదా రూ. 314 పెరిగి రూ. 7424 ధరతో ముగిసింది.

భారీ వర్షాల వలన హెచ్చుముఖంలో మిరప ధరలు