ఉలువల స్టాకిస్టుల అమ్మకాలు

 

లభించిన సమాచారం ప్రకారం మెసూరు కోల్డ్ స్టోరేజీలలో రూ. 3700-3800 ధరతో నిల్వ చేసిన స్టాకిస్టులు, వ్యాపారులు తమ సరుకును రూ. 4950 ధరతో విక్రయిస్తున్నారు. అయితే పెద్ద స్టాకిస్టుల అంచనా ప్రకారం రాబోవు రోజులలో ధరలు మరింత పెరిగే అవకాశం కలదు.

కర్ణాటకలోని మైసూరు, కుష్టిగి, బాగల్కట్లలో ప్రతి రోజు 4-5 వాహనాల ఉలువల రాబడిపై ధర రూ. 4500-4700, మీడియం రూ. 4000-4200, బళ్లారిలో 100-200 బస్తాలు మరియు ఆంధ్రప్రదేశ్లోని రాయచోటిలో వారంలో 1-2 వాహనాల కొత్త సరుకు రాబడి కాగా, నగదు కండీషన్ రూ. 4200-4550, విజయవాడ, చల్లపల్లి డెలివరి రూ. 4700 ధరతో వ్యాపారమైంది. సాలూరు, చీపురుపల్లి ప్రాంతాలలో తెలుపు రకం సరుకు రూ. 5100-5200, నలుపు రకం రూ. 4500-4600 ధరతో వ్యాపారమె ఒడీషా కోసం ఎగుమతి అవుతోంది. కదిరి, అనంతపురం, తాడిపత్రి, రాయదుర్గ్ ప్రాంతాలలో 4-5 లారీల రాబడిపై స్థానికంగా రూ.3900-4000 ప్రతి క్వింటాలు ధరతో వ్యాపారమైంది. విజయనగరంలో దినసరి 2-3 వాహనాల కొత్త సరుకు రాబడిపై తెలుపు రకం రూ.5000-5100, నలుపు రకం 4500–4600 ప్రతి క్వింటాలు ధరతో వ్యాపారమైంది.