మద్దతు ధరతో శనగల కొనుగోళ్లు, కాబూలి - డాలర్ ధరలు పటిష్టం

 

దేశంలోని ప్రముఖ శనగల ఉత్పాదక రాష్ట్రాలలో మద్దతు ధరతో కొనుగోళ్లు ప్రారంభమయ్యాయి. హర్యాణా మార్కెట్లలో ఏప్రిల్ 1 నుండి మే 15 వరకు రూ. 5230 ధరతో కొనుగోళ్లు ఉండగలవు. రాజస్థాన్, గుజరాత్, మధ్య ప్రదేశ్లో కొనుగోలు ప్రారంభమయ్యాయి. అయితే మార్కెట్లలో రాబడి అవుతున్న మొత్తం సరుకు అమ్మకం కావడం లేదు. దీనితో ఆంధ్ర మార్కెట్లలో దినసరి 40-50 లారీల సరుకు రాబడిపై కర్నూల్లో జెజె రకం శనగలు రూ. 4625, ఒంగోలు జెజె శనగలు రూ. 4500, కాక్-2 కాబూలీ శనగలు రూ. 6400, డాలర్ శనగలు రూ. 8400 మరియు ఆంధ్ర ప్రాంతం శనగలు ఈరోడ్ డెలివరి రూ. 5050, కర్ణాటక సరుకు రూ. 5100 ధరతో వ్యాపారమైంది.

ముంబైలో టాంజానియా శనగలు రూ. 4451-4475, సూడాన్ సరుకు రూ. 5050-5300 మరియు దిల్లీ లారెన్స్ రోడ్లో గత వారం 100-105 వాహనాల శనగల రాబడిపై రాజస్తాన్ సరుకు రూ. 5175-5200, మధ్య ప్రదేశ్ ప్రాంతపు సరుకు రూ. 5100 ప్రతి క్వింటాలు ధరతో వ్యాపారమైంది.

గత వారం డాలర్ శనగలు రూ.400-500, కాబూలి రకం రూ. 800-1000, దేశీ సరుకు రూ. 50 ప్రతి క్వింటాలుకు వృద్ధిచెందింది. ఉత్పత్తి పెరిగినందున ధరలు 5-10 శాతం కంటే ఎక్కువగా పెరిగే అవకాశం లేదని వ్యాపారులు అంచనా వేస్తున్నారు. కర్ణాటకలోని అన్ని మార్కెట్లలో రూ. 4300-4850 మరియు మహారాష్ట్రలో రూ. 4400-4500, విజయ, అన్నిగిరి రకాలు రూ. 4875-4900, అకోలాలో పప్పు సార్టెక్స్ రకం రూ. 6000-6200, మీడియం రూ. 5700-5900, మద్యప్రదేశ్ మార్కెట్లలో రూ. 4300-4500, ఇండోర్ దేశీ సరుకు రూ.5050-5100, డాలర్ రూ.8700-9500, కాబూలి 42-44 కౌంట్ రూ. 10,250, 44-46 కౌంట్ రూ. 10,100, 58-60 కౌంట్ రూ. 9200, 60-62 కౌంట్ రూ. 9100, 62–64 కౌంట్ రూ. 9000 ప్రతి క్వింటాలు ధరతో వ్యాపారమైంది.

సిరిశనగకు గిరాకీ

 విదేశాల నుండి దిగుమతులు తగ్గడంతో గత వారం ముంబైలో కెనడా నుండి దిగుమతి అయిన సిరిశనగ కంటైనర్లో రూ.250 పెరిగి రూ. 7000-7150, ఆస్ట్రేలియా సరుకు కంటైనర్లో రూ.7200, వెజిల్లో రూ. 6850, ముంద్రా ఓడరేవు వద్ద రూ. 6850, హజిరా ఓడరేవు వద్ద రూ. 7000, కోల్కతాలో కెనడా సరుకు రూ. 6950, మరియు ఆస్ట్రేలియా సరుకు రూ. 7000-7050 ధరతో వ్యాపారమైంది. మధ్య ప్రదేశ్లోని మార్కెట్లలో రూ. 6000-6500, ఉత్తరప్రదేశ్లో రూ. 7000-7500, బరేలిలో సన్నరకం రూ. 7850-7900, లావు రకం రూ. 7100, బెర్డాయిల్లో నాణ్యమైన పాలిష్ సరుకు రూ. 8000 ప్రతి క్వింటాలు ధరతో వ్యాపారమైంది.