మినుములు పటిష్ఠం

 

భారత ప్రభుత్వం కందులు, మినుములు స్వేచ్చా దిగుమతి విధానాన్ని సవరిస్తూ, 2023 మార్చి 31 వరకు పొడిగించింది. తద్వారా మయన్మార్లో సరఫరా పెరిగే అవకాశం ఉన్నందున స్థానిక స్టాకిస్టులు వ్యాపారుల ద్వారా అంతర్జాతీయ విపణిలో మయన్మార్ ఎఫ్ఎక్యూ మినుములు 80 డాలర్లు వృద్ధిచెంది 930 డాలర్లు, ఎస్యూ 1025 డాలర్ ప్రతి టన్ను సి అండ్ ఎఫ్ ప్రతిపాదించడంతో ముంబైలో ఎఫ్ఎక్యూ పాత మరియు కొత్త సరుకు రూ.500 పెరిగి రూ. 7000, చెన్నైలో ఎఫ్ఎక్యూ రూ. 6850, ఎస్క్యూ రూ.7700, దిల్లీలో ఎస్యూ రూ. 7800-7875, ఎఫ్ఎక్యూ రూ. 7100-7150, కోల్ కతాలో ఎఫఎక్యూ రూ. 7000 ప్రతి క్వింటాలు ధరతో వ్యాపారమైంది. ప్రస్తుతం భారతదేశంలోని రబీ, యాసంగి సీజన్లలోని ఉత్పాదకులకు మద్దతు ధరలకు ధీటుగా అధిక ధరలు లభించే అంచనా కలదు.

తమిళనాడులోని విల్లుపురం, విరుధాచలం, దిండివనం, తిరుకోవిలూరు, ఉలుండూరుపేటె, పెన్నతూరు ప్రాంతాల అన్ని మార్కెట్లలో కలిసి ప్రతి రోజు 4-5 వేల బస్తాల రాబడిపై కొత్త సరుకు రూ. 6000-6800, మీడియం డ్యామేజ్ సరుకు రూ. 4000-5500 లోకల్ లూజ్ మరియు తంజావూరు సరుకు చెన్నై డెలివరి రూ. 7100, విల్లుపురం ప్రాంతపు నాణ్యమైన సరుకు రూ. 7300, క్రిష్ణా జిల్లాలోని బోల్డ్ పాలిష్ సరుకు చెన్నై డెలివరి రూ.7200, సాదా రూ.6800 ధరతో వ్యాపారమెంది. 

ఆంధ్రప్రదేశ్లోని క్రిష్ణా జిల్లా స్థానిక మార్కెట్లలో పాలిష్ మినుములు రూ. 300 పెరిగి రూ. 7000, అన్-పాలిష్ రూ. 6700, నంద్యాలలో పాలిష్ సరుకు రూ. 6700, అన్-పాలిష్ రూ. 6400, ప్రొద్దుటూరు, కడపలో పాలిష్ సరుకు రూ. 6500, అన్-పాలిష్ రూ. 6300, విజయవాడలో గుండు మినుములు నాణ్యమైన సరుకు రూ. 11,500, మీడియం రూ. 9700, పప్పు రూ. 8000-9000 ప్రతి క్వింటాలు ధరతో వ్యాపారమైంది. 

మధ్య ప్రదేశ్లోని ఇండోర్లో రూ. 6500-6600, టికంఘడ్లో 800–1000 బస్తాల రాబడిపై రూ. 4500-5700, దామోహ్లో రూ. 5500-6200, ఉత్తరప్రదేశ్లోని చందోసి, మోహబా ప్రాంతాలలో ప్రతిరోజు 800-1000 బస్తాల రాబడిపే రూ. 6500-6700, లారీ బిల్జీ రూ. 6800, 

మహారాష్ట్రలోని లాతూరులో రూ.6000-7100, అకోలాలో రూ. 6000, మోగర్ రకం రూ.9500-9800,నాణ్యమైన సరుకు రూ. 9900-10,200 ధరతో వ్యాపారమైంది. కర్ణాటలోని కల్బుర్గిలో మినుములు రూ. 4000-6400 మరియు రాజస్థాన్లోని కేక్, సుమేర్పూర్, సవాయ్ మాధోపూర్, శ్రీగంగానగర్ ప్రాంతాలలో ప్రతి రోజు 3-4 వేల బస్తాల సరుకు రాబడిపై రూ. 5800-6600 ధరతో వ్యాపారమైంది.