𝐌𝐘 𝐅𝐀𝐑𝐌𝐈𝐍𝐆 𝐌𝐘 𝐏𝐀𝐒𝐒𝐈𝐎𝐍

   దక్షిణాది రాష్ట్రాలలో వచ్చే దసరా, దీపావళి పండుగల కోసం సంతృప్తికరమైన డిమాండ్ నెలకొన్నందున గింజ రకం చింతపండు నుండి ఫ్లవర్ తయారీ వ్యాపారుల కొనుగోళ్లు ఊపందుకున్నందున గింజ రకం చింతపండు ధరలకు మద్దతు లభిస్తున్నది.

  దేశంలో పితృ పక్షం ముగిసింది. దసరా, దీపావళి పండుగల కోసం దక్షిణాది రాష్ట్రాలలో కొబ్బరి,కొబ్బరికాయల అమ్మకాలు గత ఏడాదితో పోలిస్తే ఈసారి చెప్పుకోదగ్గ స్థాయిలో కొనుగోళ్లు లేవని చెప్పవచ్చు. ఎందుకనగా ఈ ఏడాది కొత్త సీజన్లో ఉత్తరాది రాష్ట్రాల వ్యాపారులు ముందస్తుగానే భారీగా సరుకు కొనుగోలు చేయడమే ఇందుకు నిదర్శనం. అటు తర్వాత ధరలు దిగ జారుతున్నందున సరుకు కొనుగోలుకు బదులు విక్రయించేందుకు దృష్టి సారిస్తున్నారు. ఉత్పాదక రాష్ట్రాలలోని రైతులు కూడా తమ సరుకు విక్రయించేందుకు ఆసక్తి కనబరచడంలేదు. కావున 2022-23 సీజన్ పర్యంతం కొనుగోళ్లకు అనుగుణంగా సరుకు సరఫరా అయ్యే అవకాశం కనిపిస్తున్నది. కేవలం 5-10 శాతం లాభంతో క్రయ విక్రయాలు జరిగే అవకాశం ఉంది.

  వాము కొనుగోళ్లు జోరందుకున్నందున ధరలకు మద్దతు లభిస్తున్నది.రాబోయే సీజన్లో ఉత్పత్తి తగ్గగలదనే సంకేతాలు అందు తున్నాయి. అయితే, గుజరాత్ లో సంతృప్తికరమైన వర్షాలు కురిసినందున గ్రీష్మకాలం పంట అత్యంత నాణ్యంగా ఉన్నట్లు తెలుస్తోంది. ప్రస్తుతం కొనుగోళ్లు పెరిగినందున ధర ప్రతి క్వింటాలుకు రూ. 400-500 వృద్ధి చెందింది.

   దేశంలో గణనీయమైన చెరకు ఉత్పత్తి, వచ్చే సీజన్ లో భారత్ నుండి పంచదార ఎగుమతులు కుంటుపడే అవకాశం ఉన్నందున బెల్లం భారీ ఉత్పత్తితో పాటు కొత్త సీజన్ మిగులు నిల్వలతో ప్రారంభం కానున్నది. ఈ ఏడాది స్టాకిస్టులకు అన్ని సరుకులకు ధీటుగా బెల్లంపై లాభాలు గడించే అవకాశం లేదని చెప్పవచ్చు. ఎడతెరిపి లేకుండా రైతుల సరుకు సరఫరా కావడం వలన పెరుగుతున్న ధరలకు కళ్లెం పడగలదు. స్టాకిస్టులు సరుకు కొనుగోలుకు ఆసక్తి కనబరచరు. 

    మధ్య ప్రదేశ్ లోని జావ్రా మరియు పరిసర ప్రాంతాలలో , ధనియాల సేద్యం నత్తనడకన సాగుతున్నది. మరో వారం పది రోజులలో , రాజస్తాన్, గుజరాత్ లో ప్రారంభం కానున్నది. తద్వారా గత వారం ఉత్పాదక కేంద్రాల వద్ద కొనుగోళ్లు డీలా పడినందున ధనియాల ధరలు తగ్గి మందగనంలో చలిస్తున్నాయి.

   ప్రస్తుత ఖరీఫ్ సీజన్లో సెప్టెంబర్ 23 నాటికి దేశంలో నువ్వుల సేద్యం గత ఏడాది ఇదే వ్యవధితో పోలిస్తే 13.20 ల.హె. నుండి పెరిగి 13.35 హెక్టార్లు, గుజరాత్ లో 1,00,496 హెక్టార్ల నుండి తగ్గి 72,121 హెక్టార్లకు పరిమితం కాగా ఉత్తరప్రదేశ్ సరిహద్దులోని మధ్య ప్రదేశకు చెందిన గ్వాలియర్, డబ్రా, ధితియా ప్రాంతాలలో సంతృప్తికరంగా విస్తరించింది. అయితే, ఇటీవల కురిసిన భారీ వర్షాలకు పంటకు నష్టం వాటిల్లే అవకాశం ఉందనే విశ్లేషణలు వెలువడుతున్నాయి. తద్వారా సీజన్ తొలి నాళ్లలో దూసుకుపోయే ధరలు అటు తర్వాత చల్లబడగలవని సంకేతాలు అందుతున్నాయి.

   దేశంలో ఖరీఫ్ సీజన్ మొక్కజొన్న పంట కోతలు శరవేగంతో చే పడుతున్నారు. అయితే, కొన్ని రాష్ట్రాలలో ఇటీవల కురిసిన వర్షాలకు కోతల ప్రక్రియ కుంటుపడుతున్నది. అయితే , మొత్తంమీద 2022-23 సీజన్ లో కోళ్ల పరిశ్రమ కొనుగోళ్లు భారీగా ఇనుమడించే అవకాశం ఉంది.